何傲芝姊妹檔商界發圍

何傲芝與何傲兒兩姊妹,無懼父親生意失敗申請破產,竟蠢蠢欲動進軍商界。她指父親正積極充當姊妹兩人的「幕後軍師」,何傲芝更向父親發表感恩宣言謂︰「佢畀我嘅嘢,一定多過我畀佢嘅。」



何傲芝為無綫記招任司儀,指父親並沒有受破產一事影響心情。

藝人何傲芝昨為無綫新節目《搵個好男人》記招擔任司儀,同場還有陳庭欣、莊思敏、張名雅及張曦雯等,場面熱鬧。

Ads by Google

傲芝接受訪問時被追問有關其父何世根早前申請破產一事,她回應時相當正面,她說︰「爸爸心情冇嘢,佢今日仲負責揸車車我嚟開工。我同妹妹就計劃出產自家品牌嘅有色隱形眼鏡,爸媽呢方面經驗豐富過我哋好多,都有畀意見同幫手囉。(件事令全家關係更好?)其實我哋不嬲都好close,總之爸爸畀我嘅嘢,一定多過我畀佢嘅啦,我哋好支持佢。」不過提到養家重擔時,傲芝則未有正面回應。


何傲芝準備與妹妹何傲兒進軍商界,獲父親提供不少意見。(資料圖片)

莊思敏(左)澄清自己沒有「使橫手」踢走張名雅。
澄清不和傳聞

另外,莊思敏及張名雅則孖住做訪問,以澄清不和傳聞。事緣最近後者被調離節目《姐妹淘》,外指是莊思敏「使橫手」所致,莊思敏表示︰「我冇咁大權力,今次係因為名雅要入劇組啫,況且節目成日都有調動,我都好唔捨得佢。(話名雅成日NG喎。)最多嗰個唔係佢囉。」名雅聞言即擁着莊思敏謂︰「好多謝你呀。」而張曦雯則透露已與其中一位男參賽者交換了電話,保時聯絡及約會︰「未知係咪真愛,但識多個朋友都幾好吖。」

文︰影視組

    全站熱搜

    tvb4life 發表在 痞客邦 留言(0) 人氣()