藝人唔易撈

東姑幾時都話做藝人唔好剩係睇表面幾風光,實質背後付出幾多血汗,絕對唔係話咁易可以人人做好呢份工o架!

好似林盛斌(阿Bob)咁,食晒無綫、新城兩家茶禮,出面仲密密接司儀job、拍廣告,多勞多得年賺千萬好似好和味,但係日做十八個鐘,有苦自己知呢!好似嗰日晨咁早,東姑就見阿Bob幫新城做一個戶外騷,見佢只能夠趁間場攝啲時間,三扒兩撥食早餐唔在講,中段仲攰到要坐喺台邊瞌眼瞓,感覺佢好似就快攰到虛脫咁,真係戥佢難受。

唔單只阿Bob,就算張惠雅(Regen),東姑都見佢捱住餓去呢個活動,慘情到坐喺保母車咬包醫肚,都話藝人份工真係唔易撈o架!

一大早開工,阿Bob都好似幾攰吓咁,落台即偷偷瞌一陣先。

 

Ads by Google

頻頻上台做活動MC嘅阿Bob,只可以趁中間空檔,三扒兩撥食早餐。

就連Regen都係餓住個肚趕嚟function,東姑就見佢匿埋車上狼吞麵包醫肚。

醫飽咗個肚嘅Regen,總算叉番吓電,對住班粉絲即刻精靈番晒!

    全站熱搜

    tvb4life 發表在 痞客邦 留言(0) 人氣()