郭炳燊去嘅時鐘酒店,粉[!9956]色大床加上陰暗燈光,記者恍如置身八十年代。 

編輯室手記 郭炳燊

「爆房」記

今期我哋有古仔講到落釘天王郭炳燊,佢係新地郭氏三兄弟嘅堂兄弟。為直擊佢工作情況及會否與新地中人會面,本刊財經組同事決定「跟」佢。只係無諗過,跟佢第一日,就跟到佢去咗──「爆房」。

 


時鐘酒店竟有日本牌子「岡本」的避孕套提供,算落足本。 

Ads by Google

《壹》仔記者本着「求真」精神,決定去「事發地點」灣仔比華利酒店實地考察。大家開會討論時,都煞費思量,究竟派邊個最好。男記者與男攝影師?怕引起誤會無得入喎;女記者與男攝影師?好尷尬囉。適逢財經組幾個女記者,另一半都係《壹》仔同事,大家你眼望我眼,最終選出記者 Irving。佢老公係本組攝影師 Ken,一文一攝,「拍拖更」最方便。雖然編輯部有不明文規定,要避免「拍拖更」免得同事多話柄,但今次,例外。

 


比華利酒店樓下的三層都是酒樓,攝影師 Ken盛讚有「掩護」。 

當日去到,接待阿姐話:「$230兩個鐘,$180就一個鐘;一個鐘夠唔夠呀?」 Irving唯有答,夠喇夠喇,認真尷尬。步入房間,粉紫色的雙人大床、掛在牆上的兩個衣架、一部殘舊的電視機,加上地上的兩雙拖鞋,明顯爆房格局。開房期間,同事的 WhatsApp傳來傳去,質疑 Irving及 Ken有無公器私用?究竟這$180應否出公數?事後 Irving說:「坦白講,入到去,燈光陰陰沉沉,枕頭仲有笪黃色嘅污漬。坐上張床,吱吱聲,隔籬房阿姐吸塵聲亦非常大。我點知其他人喺度搞過乜,連廁所都唔敢去,何來情趣?」不過她認為,如果另一半帶佢嚟啲咁嘅地方開房,簡直係一種侮辱。最慘係「爆房」過後, Ken即因為感冒而病倒,足證時鐘酒店,真係非常之毒!

    全站熱搜

    tvb4life 發表在 痞客邦 留言(0) 人氣()