同你吟一吟

陳曉東做老豆 早有預謀

現年 38歲嘅陳曉東,上個禮拜三(二月十二日)响西九環球貿易廣場 101樓嘅龍璽酒家筵開 9席,迎娶拍拖只有九個月嘅 24歲台灣女友王妤嫻。有傳兩人奉子成婚,當日新郎哥東東終於開口承認太太有咗四個月,仲話今次唔係意外,因為第一眼見已經想娶對方做老婆,所以拍拖冇耐已經不設防,只係估唔到自己有心又有力, BB話有就有。

Ads by Google

原本想低調娶老婆,點知喜事俾報紙寫晒出嚟,所以連日嚟東東都話收到好多圈中朋友致電祝賀,包括佢嘅前度女友張栢芝。原來咁多年佢哋私下都有聯絡,栢芝知道佢今次雙喜臨門,仲開心到係咁講英文。話時話,東嫂個 4月肚佗住 BB女,栢芝又有兩位人見人愛嘅公子,對定親家都好喎!


一對新人應記者要求影嘴嘴相,點知東嫂太怕醜,影咗一陣就推開老公,搞到東東好尷尬。 

偶像娶老婆,唔少東迷都專程嚟到婚宴會場,向東東送上結婚禮物。 

張栢芝家有兩位公子 Lucas同 Quintus,將來可以同東東位未來千金對親家。

撰文:八珍

    全站熱搜

    tvb4life 發表在 痞客邦 留言(0) 人氣()