排排企合照, Kelly專登曲住腳縮低啲,就住! 

同你吟一吟

Kelly曲腳就梁家輝

已經係兩子之母嘅 Kelly陳慧琳, 5呎 8吋身材仲係 Keep住 fit,生極唔肥,確令所有產婦羨慕,但生得太高,都係缺點。

Ads by Google

上個禮拜四(二月十三日), Kelly出席「伍樂城幻想國度作品演唱會 2014」記者會,著住條閃令令一字膊裙,已經夠晒 sharp,加埋腳踏三吋踭,幾乎六呎高,對比起同場矮佢一截嘅楊千嬅、衞蘭以及主角伍樂城, Kelly足足高出半個頭有多。
隔幾日(十六日), Kelly飛北京為電影《盜馬記》做宣傳,孖住有五呎十嘅梁家輝、鄭伊健同台,點都要靚, Kelly繼續三吋踭,微微高過兩位男士。即係咁,伊健大細路一個,紅過佢又好高過佢都冇所謂,不過前輩梁家輝就……所以, Kelly不時都曲住對腳,盡量縮矮啲,敬老呀!


Kelly只係腳踏三吋踭,有五呎十嘅梁家輝企隔籬,一樣縮咗水。 

條綠色裙已經夠 sharp,加埋 Kelly嘅高度,伍樂城、衞蘭、楊千嬅全部冇厘神氣。 

人見人避嘅圈中高妹仲有梁詠琪,早排 Gigi同甄子丹、郭富城出席賀歲片宣傳,全程得發哥主動埋身。

撰文:八珍

    全站熱搜

    tvb4life 發表在 痞客邦 留言(0) 人氣()