同你吟一吟

吳金雞好睇唔好食

Ads by Google

今年港片賀歲票房以億計,相比 13年賀歲檔得曾志偉同黃百鳴「隻揪」,兩部戲加埋三千萬唔夠,成績翻幾番! 

 


上星期四(十三日),《金雞 SSS》舉行慶功宴,吳君如盛妝現身答謝台前幕後,包括俾佢㩒價收利是做串星嘅圈中友好。 

將自己徹底反轉嘅王菀之,獲君如點名做接棒人。 

 

有供有求,觀眾有得揀,刺激到入場慾。碌爆人情咭嘅《金雞 SSS》吳君如,截至週日(二月十六日)累計收 3,762萬,有機破四千萬成為香港賀歲片「冧把溫」,二五話佢打埋條數,其實要收三千五百萬先平倉,家陣賬面叫做微賺,燒炮仗!
冇大陸市場,齋香港搏到唔使蝕,但君如最大功勞,係造就咗個機會俾王菀之出位,嚟緊仲話會開戲俾對方,一於捧佢做女笑星接班人。

Ads by Google

好睇唔好食嘅其實仲有 3D《大鬧天宮》,內地截至週日收 9.7億,過十億票房冇問題,保本一樣成額汗;大片成本高,宣傳費相對貴,大陸二五話《大鬧》條安全線係八億五人民幣。嘩,險過剃頭呀!


君如吹雞嘅賀歲片成為票房冠軍,老豆夏春秋豎手指公讚,哎吔老公陳可辛亦有現身慶功宴。 


《大鬧》票房已過安全線,牛魔王城城、鄭家星、羅仲謙同星皓老闆王海峰飲得杯落。

孭住兩套賀歲片嘅發哥都有好成績,馬年好開始。 

去咗美國過年嘅甄子丹兩公婆,專登趕返香港出席上星期三(十九日)嘅《大鬧》慶功, jet lag未過,攰爆! 

撰文:八珍

    全站熱搜

    tvb4life 發表在 痞客邦 留言(0) 人氣()