二月十四的約會 陳山海夫婦

二月十四情人節這天,你會掛念誰?對於陳山聰胞兄兼世運行老闆陳山海(Joseph)來說,二月十四不止是情人節,還是他與太太李碧君(Sophie)結婚八周年的日子,別具意義。

「當初揀呢日(二月十四日)結婚,就係等佢唔好唔記得。我哋年年都會一齊慶祝情人節,今年佢仲提早送咗隻鑽石腕表畀我,係全球獨一無二。」陳太甜絲絲的說。

說話滔滔不絕的她,訪問時表情多多,又不時發出呵呵笑聲,反而老公則只在旁邊,靜靜地看着太太說話,淡定又冷靜。他說:「我太太性格比較好動,但我就比較文靜,雖然兩個性格好唔同,但兩個人喺埋一齊,有啲嘢叫『盡在不言中』,無嘢係合唔嚟!」

愛情,兩個字,一凹一凸,完美結合。

陳山海與李碧君均是愛酒之人,最愛飲香檳的李碧君,○六年開始學品酒,更曾擔任大中華最佳品酒師大賽澳門區的評判,專業十足。

Ads by Google

童真再現

相識二十四年、結婚八年的陳氏伉儷,人前人後總是散發着濃濃的幸福感。面對鏡頭已駕輕就熟的李碧君,這天的化妝、髮型、服裝,全部一手包辦,反而老公陳山海的表情卻較為生硬,常要太太出冧招博君一笑。

說夫妻相處之道,陳太一臉自信。「其實個個男人都好似細路仔一樣,要有童真。只要你肯o氹吓佢,佢又就吓我,所有嘢都可以解決,時間都過得快啲!」

Ads by Google

別以為他們經歷多了,想法跟行為就會較保守,其實二人有時比年輕人更新潮。「我哋都成五十歲人,但成日都會做番二十五歲時拍拖會做嘅嘢,就好似上個月我哋去日本旅行,就走咗去影貼紙相,哈哈!」

 

二人在日本合力整陶瓷碗。李碧君笑言:「當初我話想去整陶瓷,佢死都唔肯跟我整,我o氹咗佢好耐,最後先肯同我一齊整,而且玩得好開心。」

全站熱搜

tvb4life 發表在 痞客邦 留言(0) 人氣()