Pebble Steel有銀、黑兩款錶殼,仲會有鋼帶同皮帶選擇,係咪襯西裝多啲先? 

IGOSSIP

金屬集資王

Ads by Google

今期 Close-Up講網上集資風殺到嚟香港,有好 idea可以借助網上集資平台,籌到第一桶金;冇諗頭,一樣可以出錢幫人創業,真正做到有錢出錢,有力出力。而一講起集資,即時醒起 Kickstarter集資王 Pebble,除咗因為啱啱有白色版嚟到香港之外,仲記得上個月喺 CES電子展上亮相嘅不銹鋼版 Pebble Steel,月底就會喺美國出貨,雖然隻錶比起膠版貴一百美元(定價約港幣二千),但金屬殼同錶帶,就點都貴氣啲同襯白領族多啲。咁隻錶幾時到港先?問番香港代理 LRT,回覆話已經同 Pebble傾緊貨,仲預計最快五月會嚟到香港添。留錢找埋尾期稅之餘,記得預多兩千蚊買錶喇。

加鏡後繼機


網上流出嘅相只影到機背,如果唔係多咗相機同閃燈,真係同 new HTC One一模一樣。 

Ads by Google

今個月 24日, MWC全球移動通訊大會就會喺巴塞隆拿舉行,除咗已證實 Samsung會公布 GALAXY S5詳情,其他手機品牌嘅新機,亦開始陸續以洩密照形式網上流傳。好似傳聞中嘅 new HTC One後繼機(代號 M8),就俾人放咗唔少相上 twitter。暫時所知, M8嘅硬件規格會採用 Snapdragon 800 2.3GHz四核心處理器、 5吋 1080p屏幕、 2GB RAM同埋 400像素 UltraPixel相機,聽落唔算有驚喜。反而睇相就有啲新意思,因為喺機背近頂部多咗一個相機同閃燈,據聞係用嚟提升對焦速度同準確度,甚至可以做出「先影相、後對焦」功能,唔怕事後先發現失焦。新機亦會加入指紋識別系統,個識別器會唔會喺埋個新相機度呢?

Kinect唔打機


Kinect多用途係人都知,估唔到而家可以用嚟 3D scan,當然出嚟嘅數據唔會好細緻,但平平哋玩吓,仲想點? 

Microsoft為 Xbox 360推出嘅體感控制器 Kinect,動作偵測快速準確,價錢又平,所以除咗買嚟打機,仲有唔少高人買嚟研究其他用途,例如用嚟偵測手勢凌空操控電腦、分析障礙物為視障人士引路,南韓軍方甚至將 Kinect放喺邊境「三八線」,用嚟分析入侵國境嘅係人定係其他動物,以防北韓間諜潛入,用途真係夠晒廣泛。不過,一般用家除咗打機,仲做到啲乜呢?原來可以幫自己 3D scan!只要上 Shapify.me網站,用電腦下載專用軟件,安裝完再連接 Kinect,就可以跟住步驟影 6張相,影完一㩒, 3D數據就會傳上網站, Shapify.me打印完隻 1/20公仔就會寄番俾你,連運費埋單都只係收你四百幾蚊港幣,真係抵玩到喊。可惜暫時只接受美國加拿大歐洲同英國訂單,要搵親友或代運收貨先得。


text:周群雄、劉耀祥

全站熱搜

tvb4life 發表在 痞客邦 留言(0) 人氣()