So Comment

窩心到極  Hotel Indigo(甲) 地址:灣仔皇后大道東 242-246號 電話: 3926  3888 (甲) (蘇施黃)  

一路都想八吓呢個 hotel係乜料,近灣仔街市, 20年前如果喺呢度有間酒店,一定係流嘢,但係今時今日就係"In"嘢,一間房都成 2、 3千蚊一晚。

Ads by Google

"IN"!"IN"!"IN"!!!

犀利!這個泳池在 hotel頂樓,係全港第一個玻璃底,當你游到泳池的盡頭,係冇邊的,只係一塊玻璃,好似行出露台咁,而泳池底亦係玻璃,你可以睇穿塊玻璃,由 29樓望落街,我淨係為咗想游吓呢個泳池,一定會租一日房嚟住吓,體驗吓游水腳軟係點?都過癮呀!
泳池的另一邊有個 Jacuzzi,好 nice。

SKY BAR

頂樓除了泳池,只有一個酒吧!有室內亦有室外,室內好 Pleasant。頗多講普通話的年輕人。
本想坐室外,腳一踏出去,就見到全部係 love seats咁,仲有一對男女在「車輪」戰,我都唔好意思再行。不過我又覺得值得介紹畀啲年輕人,拍拖熱點之一!

Ads by Google

CAFE POST

可愛㗎!簡潔。但結果我哋都係經侍應推薦去了 Cafe對面的 business centre,行經見到條樓梯又幾靚,真嘢靚過我影啲相。


 

Business Centre,同朋友一坐低就覺得好似返咗屋企坐喺個廳咁,好舒服,又冇人!結果叫了碗杏仁茶,一碗燉雪梨,咁又打發一個晚上。

SERVICE

其實香港嘅 service比起世界好多地方都好好多。但如果你係做服務性行業,一定要去 Cafe Post的主任 Elmo學吓嘢。
乜嘢叫 service?笑容、禮貌周到,這一切都係必然,乜嘢叫好嘅 service?客人未想到的,你先為佢想,你真係覺得自己係主人,客人係你的客人!!!例如人來你家作客,鬼知你屋企有啲乜食,啲嘢放喺邊咩!咁你知吖嘛,咁梗係你去提議啦! Elmo就喺我預備坐低在 Cafe Post,佢就立即提議:「想唔想舒服啲、 homely啲坐梳化?我哋對面有個 business centre」我立即話:「咁有冇 Cafe menu啲嘢食?」 Elmo立即答:「冇問題!」 Elmo真係令你好似去咗佢屋企,佢係主人,我係客人咁,之後仲唔好意思,因為所有出餐,出飲品、要隻叉、要隻羮、要紙巾全部都要去 cafe嗰邊拿的,只見 Elmo騰來騰去,面上仍笑容可椈說:「難得有客人,我哋可以招呼吓。」有前途,相信 80%嘅懶蟲都會話難得今日冇乜人,可以早收工,你條八婆又舂入嚟,麻鬼煩!這個「甲」 Elmo佔好多分!!!


 

Hotel Indigo
地址:灣仔皇后大道東 242-246號
電話: 3926  3888

 

蘇施黃
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。


攝影:蘇施黃

全站熱搜

tvb4life 發表在 痞客邦 留言(0) 人氣()