千嬅約腳濕平

Ads by Google

【銅鑼灣】近日同好多師奶一樣迷上韓劇《來自星星的你》嘅楊千嬅，前日趁住煲完通宵劇，約咗位女性友人一齊去咗銅鑼灣行街濕平。兩個女人邊行邊買，唔覺唔覺就行咗幾粒鐘，到夜晚7點，千嬅佢哋企咗喺利園商場門口等司機車嚟接。其間兩位女士不停交換電話入面啲相睇，見到千嬅睇到咪咪嘴笑，唔使問一定係晒緊囝囝丁進諾啲得意相畀人睇啦！
採訪、攝影：徐錦池