事發當晚,葉翠翠响醫院留咗二十分鐘就走,估唔到係最後一面,第二日佢雖然堅持開工,但傷痛難掩。 

同你吟一吟

葉翠翠丁母憂照開工

星期日(九日)晚,八珍揸住錢八行觀塘繞道出九龍,見到葉翠翠一個人揸住車,左 cut右 cut唔知趕住去邊,到第二日先知,原來佢趕住去醫院,見佢媽咪最後一面。

Ads by Google

面對喪母之痛,星期一(十日)葉翠翠照開工,返無綫做宣傳活動,但講唔夠兩句就忍唔住喊,話媽咪兩星期前入院,手術後出現併發症,媽咪臨走當晚,心臟一度停頓,但當葉翠翠趕到去醫院又冇事,諗住可以放心返公司繼續開工,點知轉個頭媽咪就走咗。八珍記得葉母長期被腎病困擾,從好一方面諗,葉翠翠節哀!


為新節目進行宣傳,葉翠翠努力強顏歡笑。 

葉母長年俾腎病折磨,葉翠翠一直努力搵錢儲醫藥費。旁為葉父。 

撰文:八珍

    全站熱搜

    tvb4life 發表在 痞客邦 留言(0) 人氣()