傅嘉莉追求者教滑雪

模特兒傅嘉莉早前向公司請大假,到歐洲度聖誕兼新年,足足玩了兩個星期,此行先往奧地利滑雪,再往德國尋根,她指旅程非常愉快,同行有六、七個朋友,其中一位更是她口中有好感的追求者,她不避嫌大讚對方滑雪英姿有型有款,她說:「佢哋個個都係高級組,我就第一次玩snowboard,佢哋一滑就滑足五六日,我呢個新丁要跟足五日,跌好多次,所以請咗個外籍教練教我,有幾次好危險,我跌倒時,後面啲人停唔切,差啲撞到我,好在教練即時拉開或抱起我閃避。(追求者有冇教你滑雪?)佢滑雪幾型,又滑得好快,佢都有教吓我,幾開心。」



傅嘉莉早前到了歐洲度假,叉足電再開工。

Ads by Google

傅嘉莉說曾聽媽咪說過,自己外公是德國人,故到德國順道尋根,期間還隨朋友在德國睇樓,將來或計劃參與一些物業投資項目,另外,又品嘗當地美食如德國鹹豬手,及參觀教堂,她更幻想自己將來有日在教堂行婚禮,一定很浪漫。


傅嘉莉有高手教玩snowboard,相當興奮。

全站熱搜

tvb4life 發表在 痞客邦 留言(0) 人氣()