羅嘉良Cool魔上身緊扣愛妻


■羅嘉良同蘇岩十指緊扣,老婆仲要回頭望住老公,甜到漏。

 

 

Ads by Google

【銅鑼灣百德新街】唔少人都話男女結咗婚,感覺就變得老夫老妻,不過喺羅嘉良同蘇岩,仲有陳奐仁同老婆身上似乎就唔多適用,前日兩對夫婦不約而同喺銅鑼灣拍拖行街,不知幾恩愛,同熱戀情侶冇乜分別,似係預祝後日難得嘅元宵兼情人節。
前日約兩點半羅嘉良喺百德新街一間餐廳醫肚,可能因為當時餐廳有唔少人,羅嘉良都戴住黑超食麵cool爆,相反舊年同嘉良生咗囡囡嘅蘇岩就除低黑超食包,不過其間都有食客認到羅嘉良眼望望。


■嘉良戴住黑超cool爆食麵,反而老婆就以真面目示人。

大約食咗半個鐘,嘉良同蘇岩就離開,見記者影相就問係邊間報館,嘉良仲主動話要睇吓啲相,佢話:「影得靚唔靚㗎?攞住外賣出嚟會唔會唔靚?」其間兩公婆十指緊扣,真係好恩愛,跟住佢哋坐的士走。

Ads by Google

陳奐仁攜妻買家品

接住傍晚喺日本家品店Francfranc見到陳奐仁同老婆,買到一袋二袋仲唔夠喉,之後再去實惠睇床同問做傢俬啲資料,其間同店員有傾有講互相講新年祝賀說話,表現親民,結果兩公婆行足成個鐘買咗啲家品走,唔知係咪為近日傳陳奐仁豪裝工廈單位成住宅添置家具?
採訪、攝影:梁繼光


■陳奐仁同老婆喺實惠仔細睇傢俬,仲有商有量㖭。


【撩老婆傾偈】


【落手落腳揀】

 

全站熱搜

tvb4life 發表在 痞客邦 留言(0) 人氣()