王梓軒「外母」過招 得益多

藝人王梓軒近期轉戰拍電視,更與緋聞女友石祐珊的母親薛家燕有不少對手戲,梓軒大讚家燕姐是好對手兼經常過他兩招,在其身上獲益良多!



王梓軒首次參演賀歲劇,能與觀眾齊過年大嗌好玩。

藝人王梓軒在熱播賀年劇《新抱喜相逢》中演出,身為「初哥」的他一拍劇就與眾多好戲之人如安德尊、麥長青、敖嘉年、薛家燕等合作,相當幸運。現實中與家燕姐關係甚好的他,在戲內的角色竟是對立,梓軒更要大罵對方,不過他一點也不緊張︰「因為家燕姐好nice,而且係一個好穩定嘅演員,反而多人嘅群戲就會緊張。」

Ads by Google

劇中,梓軒又打戲連場,他說︰「初初接劇本時係冇嘅,之後就愈嚟愈多,完全冇expect過入面有打泰拳戲,好彩我都練咗兩、三年功夫,仲要同秋姐(元秋)對打。今次可以同功夫了得嘅佢(元秋)、羅莽師傅拍打戲,仲打足六個鐘,第二日再拍同大王(安德尊)、敖嘉年嘅打戲,又打四個鐘,打到我腳痹,但亦學到好多嘢!好在我平時都有練拳,如果唔係就唔只腳痹咁簡單。」

Ads by Google

王梓軒未因拍劇而放棄唱歌,反而會更努力。

梓軒在新劇中打戲連場,更與多位好戲之人如麥長青(左)及敖嘉年有對手戲。

梓軒大讚家燕姐(左)是好對手。
未放棄唱歌

梓軒又稱首次參演賀歲劇,可以透過電視機與觀眾齊過年,感覺特別開心,他說:「拍時我哋好似一家人咁,成日輪流請食飯,最後一餐仲有安德尊請食鮑魚添。」至於唱歌方面,他表示未因拍劇而放棄,更表示想與莫文蔚合唱,跟對方學習。

文︰影視組

    全站熱搜

    tvb4life 發表在 痞客邦 留言(0) 人氣()