生繭舊患未癒 祖兒想與師兄交換聲帶  
  
祖兒的新年願望想必是身體健康。
容祖兒和「師兄」劉浩龍在農曆新年前火速外遊,即使有容媽媽和弟弟做「電燈膽」,也無損二人享受甜蜜蜜之行;自稱有家教的祖兒,也在新春佳節向未來奶奶拜年。愛情幸福滿瀉,無奈健康卻停滯不前,祖兒的聲帶生繭舊患至今仍未痊癒,她打趣謂要與「師兄」交換聲帶當情人節禮物。
容祖兒和經理人霍汶希(Mani)為黎芷珊和黃秋生主持無綫的全新清談節目《燭光晚餐》擔任嘉賓,踏入馬年第一項工作,祖兒穿上粉紅背心裙出現,喜氣洋洋,但仍一臉倦意,原來纏繞她多時的聲帶小繭毛病久未痊癒,難怪令她沒精打彩。她說:「初一到現在都無出埠,不停拜年,把聲無好過,簡直十級沮喪,所以心情麻麻。」醫生指她唯一可以根治的方法,就是好好休息,奈何以祖兒的工作量,相信短時間內無可能停下來,現在她只希望Mani讓她放假幾天,她可以到南京做針灸。雖然昨日帶病開工,祖兒仍不忘自嘲:「真係年紀大、機器壞。呢段時間係畀自己控制情緒嘅好好考驗。」

Ads by Google

向「師母」拜年未被催婚
男友沒給她正能量嗎?祖兒聞得「師兄」即撒嬌:「又講佢!成日畀人影到,我懷疑架車有追蹤器。」她又說做歌手靠把聲搵食,可惜目前連說話都感到吃力,是時候要好好調節一下。當問到新年期間可有向劉母拜年?祖兒抵死表示:「哦,『師』母!禮貌上要有嘅,我係有家教。(伯母有無催婚?)無,唔係講呢啲,講恭喜發財、身體健康嘛。(佢有無話想抱孫?)如果我好番晒乜都得……。不過無講幾時。」情人節將至,她和師兄會計劃怎樣慶祝?祖兒坦言當天身在長沙,之後會否補祝還未決定,更笑言送條聲帶給師兄,甚至用自己條聲帶跟他交換也可。
秋生笑言蝕車馬費
至於黃秋生今次答應為無綫主持13集清談節目,嘉賓清一色全女班,包括袁詠儀、吳君如、民選港姐陳凱琳,以及秋生心目中的女神張天愛,但最近與秋生隔空罵戰的陳芷菁就未被列入名單中,他解釋不會為了gimmick去搵人,藉此提高收視。被問到酬勞時,秋生不諱言:「放心,一定唔多錢,連車馬費都隨時無。」跟他一齊擔任主持的黎芷珊表示,搵秋生就是喜歡他敢言。那秋生會問祖兒甚麼?他打趣謂:「問佢得唔得閒陪我睇戲囉!(唔問戀情?)我都唔知佢同邊個拍拖!」
採訪:Pauline
協力:梁芷珊
攝影:Lego 
編輯:黃寶恩

秋生笑言新節目叫《燭光晚餐》,一定不會有男性嘉賓。
 祖兒見「師母」冇被催婚

容祖兒新春期間被爆與男友「師兄」劉浩龍拖手仔拍拖拜年,她昨日開工時透露有與劉浩龍的母親拜年,但就沒有被催婚,而祖兒在即將來臨的元宵節和情人節因要到內地工作,冇得與男友慶祝。



聲帶不適的祖兒坦言願意為健康戒食最愛的魚柳包。

祖兒昨日與經理人霍汶希到灣仔錄影由黃秋生及黎芷珊主持的無綫新節目《燭光晚餐》,祖兒指自己喉嚨與腿部肌肉均感不適:「十級沮喪,把聲未好過,元宵仲要去內地工作,我怕人哋會以為我呃人,有乜理由咁耐都未好番,但醫生話我只有一個方法好,就係畀啲時間。(男友點安慰你?)冇用,我始終係靠把聲搵食,點都係唔開心。」

Ads by Google

情人節冇得慶祝

祖兒又笑言如果元宵前身體能痊愈就「乜都得」,她說:「我願意戒食最鍾意嘅魚柳包,(情人節點過?)我要去長沙工作,(男友陪你?)冇喎,亦冇提早慶祝,冇預備禮物,(想佢送佢條聲帶畀你?)哈哈哈,唔好引我笑啦!」


祖兒在新年期間與劉浩龍四出拜年。(資料圖片)

芷珊大讚敢言的秋生做主持有優點。

霍汶希為無綫節目《燭光晚餐》做嘉賓。

問到祖兒早前與男友拖手仔拜年是否很開心,她說:「又講呢啲?我懷疑我部車被人裝咗跟蹤器,點解成日都被人跟到?(同咗男友家人拜年未?)有去拜年,我好有家教。(伯母催你哋結婚、恨抱孫?)催咩啊?邊有咁快?淨係講恭喜發財,身體健康咋!」

秋生唔知龍兒戀

同場的秋生被問會否邀請陳芷菁做節目嘉賓,他說:「唔係會定唔會嘅問題,係嘉賓一早定好晒,為乜搞埋呢啲噱頭?嘉賓名單係TVB定,有啲名我唔認識,都唔知可以問乜。今日請容祖兒同霍汶希就有趣嘞!(問祖兒拍拖嘅嘢?)我都唔知佢同邊個拍拖,問佢今晚得唔得閒同我睇戲仲好啦!」

芷珊則指秋生有優點,故被選中做主持,她說:「公司睇中秋生講嘢夠大膽、啜核,節目名都係秋生提議,遲啲會請袁詠儀、吳君如、港姐冠軍陳凱琳,同埋秋生心目中女神張天愛做嘉賓。」

此外,秋生早前就退選演協會長寫信給曾志偉,道明原委,問到秋生可有收到志偉回覆,他說:「冇呀,我唔等o架啦!」

文:影視組

祖兒自嘲老餅

容祖兒同經理人霍汶希噚日到灣仔錄影節目,雖然演唱會已完成咗一段時間,但祖兒嘅聲帶仲未好,唔怪得佢笑自己「年紀大機器壞」。新年有冇去男友劉浩龍屋企拜年?祖兒話禮貌上梗係要,又笑自己有家教。伯母有冇催婚要抱孫?佢話:「冇咁講,邊有咁快。」今年元宵同情人節都係同一日,但嗰日祖兒要開工,有冇準備情人節禮物?佢話:「叫送佢條聲帶畀我,我就送番我條『鞋』聲帶畀佢。」
撰文:馮仁昭

 

    全站熱搜

    tvb4life 發表在 痞客邦 留言(0) 人氣()