謝安琪一孩政策 馬上買樓

「人母級女神」謝安琪(Kay)馬年被批易有第二胎,囝囝張瞻亦扭計向她「催生」要細佬,但張氏家族勝在似足「AKB48」夠晒熱鬧,囝囝很快便打消念頭,令Kay安心繼續行「一孩政策」,兼一心一意計劃第三個紅館個唱及一圓業主夢。



謝安琪新一年祝願人人「馬」上開心。

謝安琪向來有鋪派利是癮,今年準備了幾萬元豪派利是,提到屬「蛇女」的她去年犯太歲,她總結蛇年運程不錯:「我上年冇攝到太歲,可能我嫁出咗之後都唔理攝唔攝,起碼唔使攝灶罅呀!但我都好滿意蛇年,因為成年都好忙,我以為自己做咗空姐,每日都要飛,有時都唔知自己喺邊個城市。」

Ads by Google

長期做空中飛人

長期過着「空中飛人」的生活,有時也難免會掛住老公張繼聰及囝囝,幸好有科技可維繫感情,Kay笑言:「我哋成家開咗個群組,真係要讚吓啲老人家叻叻豬,識得用智能手機,阿媽成日錄音畀我,關係比以前更好。」

已是一子之母的她被批馬年容易有第二胎,問到可會計劃生B?她笑言:「馬上生B?其實我小朋友有講過想要一個兩歲嘅細佬,但佢人生好吃得開,自從喺學校識到朋友仔後,佢社交圈子遍布全球,連洛杉磯幾個州都有朋友。加上我哋屋企係AKB48,長期都好多人,有人出Trip就換第個湊佢,好熱鬧,之後佢就冇再提出過要細佬。」


謝安琪人緣極佳,自然和氣生財。

謝安琪與張繼聰一度想為囝囝張瞻追個細佬。

謝安琪希望桃花大旺,歌迷愈多愈好。
第三度攻入紅館

Ads by Google

Kay新年願望是希望人人「馬」上開心,亦繼續為樂壇出一分力,其中一個大計就是在年尾第三度攻入紅館,再開演唱會。一心圓業主夢的Kay近日積極睇樓,不少舊同學都主動提供買樓攻略,她說:「始終我唔係炒樓,錢唔係放得最前,安居樂業就夠,我都一直奮鬥緊。」

髮型:Cooney Lai@Queen's Private I Salon

化妝:Khaki Yan

飾品:Dearbell

服裝:Self-Portrait

場地:Dmop Beauty

文:音樂組

    全站熱搜

    tvb4life 發表在 痞客邦 留言(0) 人氣()