馬年娛圈十預測
安仔鄭秀文攞滿婚

#video_player{width:100%;height:100%;}


■黃芷晴日前到黃大仙祠為圈中人求籤,順道祈求家宅平安。攝影:仇志德

Ads by Google

黃芷晴日前應本報邀請到黃大仙祠為本港娛樂圈求籤,預測十個圈中熱話,順道為自己的家宅求平安,特別是早前媽咪梁潔華患病,令爹哋黃日華甚擔心,芷晴最希望一家三口健康平安。


■黃芷晴獲玄學家贈言,叫她留長髮助事業運。

事業方面,芷晴得玄學家宇君知贈言事業發展不俗。芷晴說:「佢叫我留長髮,工作上就容易遇到男性貴人,佢話我雖然有啲是非,都係因為發展唔錯而招人妒忌。」
採訪:朱小寶

Ads by Google

許志安同鄭秀文生BB?【第15籤/上吉籤】

解說:「許志安同鄭秀文,情場跑盡終成婚,不過生B暫時未得,唔好心急。佢哋好恩愛,日日『月殿蟾宮任爾遊』,開開心心,幸福快樂,二人世界生活樂也悠悠,講到尾要珍惜對方。」

香港電視有冇人睇?【第63籤/中吉籤】

解說:「到時開台一定有人睇,一定成功!初時辛苦,日後成功,要有耐性。『復聖芳名萬古留』,留芳千世,大開眼界,個個都想睇。永遠有人記得呢個台。」

黎明今年有冇拖拍?【第35籤/中吉籤】

解說:「『古人唐僧取經』,雖然中吉籤,不過問姻緣,和尚邊有姻緣㗎?難啲!白骨精大把,好女仔未有,黎明係唐僧肉,個個想搵佢笨。」

《一代宗師》奧斯卡攞獎?
【第39籤/中吉籤】

解說:「『古人夷齊讓國』,呢個人一向都好有性格嘅,要圓滑啲就成功,呢個人好叻,但太主觀,『可憐餓倒首陽山』,即係太硬頸。」

G.E.M.喺《我是歌手2》摘冠?
【第4籤/中吉籤】

解說:「『古人董永遇仙』,董永窮家仔遇仙女,有乜變乜,如果G.E.M.係男仔就一定成功,女仔就未必,最多第二、三名,放鬆心情有機會成功。」

王菲同謝霆鋒復合?【第42籤/中吉籤】

解說:「『英雄難過美人關』,王菲靚女,會有少少成功,霆鋒會諗諗啦,但唔係百分百,大家情緒唔同,變化多啲,兩個係好朋友。」

亞視會迴光反照?【第96籤/中平籤】

解說:「『南來孤雁如憐我』,有貴人幫,向外發展更成功,要搵外來人幫至得,內地都算,其實仲更加好,阿爺關照吓,唔會執笠。」

容祖兒劉浩龍結婚?【第51籤/中平籤】

解說:「兩個若然唔多嘴,唔好互相猜測,唔多爭拗就一定結得成婚。佢哋有機會結婚,不過講嘢低調啲,千祈唔好得罪對方。」

吳千語做林太?【第98籤/中平籤】

解說:「好多人妒忌,『古人管鮑分金』,兩個成日有少少意見,若唔多爭拗就會成功,唔好各執一見,為小事而拗就好易破裂。」

劉德華再做爸爸?【第46籤/下下籤】

解說:「『古人左慈戲曹操』,唔好捕風捉影,少少難啲,不過羊兒幫到佢,『奔忙身入萬羊中』,支籤羊年有機會,低調啲好啲。」

    全站熱搜

    tvb4life 發表在 痞客邦 留言(0) 人氣()