So Comment

美心都有好嘢食  M18(甲-) (蘇施黃) M18地址 樂富廣場地下 L103-104鋪 電話: 2337 3618

PASSPORT!

Ads by Google

電台很多時都收好多邀請卡,吃喝玩樂乜都有,我通常開都費事開,由 assistant講吓大概知道係乜便算了。那天又收到一個信封,阿炸話畀我聽,係個 passport,我仍未有意思開嚟睇,佢再話「印咗你個名㗎,每個幕前主持都有一個 passport,都印住主持個名㗎!」唔!有啲意思,打開來看,咦?!係印上去噃,唔係用手寫噃!更有意思,電台 881加 903都唔少人,逐個名印都好有誠意。

 

25歲的 Triston繼續好高興咁解釋;「係請晒電台啲人免費一個月食嘢,仲可以一日三餐呀,個 passport係無限次數㗎!另外仲有張外賣 85折卡呀!」係唔係咁筍盤呀? Triston愈講愈高興;「係呀!我真係去試過呀!一毫子都唔使畀!」心想,對 Triston嚟講每日可以慳番啲食晏錢都有一千幾百蚊,都幾過癮嘅!跟住嚟,我每日一入直播室, Triston就會報告畀我聽佢今日又去「 M18」食咗啲乜,個細路真係覺得好盞鬼,成個一月都咁着數。 Triston繼續佢每天的報道。月初時係佢去食先,都未有太多人去參與盛事,因為個個都試過啲騙局,食嘢好平,但一杯可樂係$50! Triston試完當然大事宣傳係全免,於是 881、 903個個都走去食,森美、小儀、楊琤…… 1月 13號 Triston就數畀我聽邊個邊個又落咗去,仲話「哈哈我今日仲同啲幕後同事去,叫咗三百幾蚊嘢都唔收錢呀。」嗱!呢吓我心動了,我覺得 marketing做得超級好,後來發現原來係美心集團,嗰個諗呢條橋的,真的要升職加薪,叻仔!

Ads by Google

叻嘅地方係 1.好大方(一日三餐,全免) 2.期限定得好,一個月係好正的,如果一日,大家食完都無嘢講啦,一個星期,我都只會係聽吓,戥細路開心吓,但係一個月時限,真係有個一傳十,十傳百的 effect。對我呢種從不免費試食嘅人,都在 1月 14號同 Triston0、阿炸去了,就係時間夠長,叻! 3.選定傳媒,就係商台! 14號入到去 M18,全間店都係商台人,各人話熱鬧過台慶,因為台慶、團拜都唔會見到阿蘇,竟然喺 M18濟濟一堂!!!
班友仔食完又放上 facebook,我食完又立即喺《大反派》講,而家又寫……佢真係賺晒!!! Win-Win Situation!聰明之極,叻!叻!叻!!!


M18?

美心 MAXIM= M?
18=18區,佢哋打算每區都有 M18。好吖,又 trendy,又摩登。一面賣蛋糕麵包,另一面食嘢。

食物

每日 set lunch都有 7款揀,由$45-$59,那天我食咗肉醬意粉$42, no complain,唔錯。
瑞士汁雞翼$32,好食,但有另一個蜜汁雞翼就有雪味。
香草番茄芝士$58, Triston's favourite,話畀我聽,「切啲番茄時標汁的……」哈哈!
阿炸食煙三文魚鮮蜆意$55,兩個都讚好。(六爺亦食了外賣)
Tomato soup,麻麻了。
香草番茄 Pizza$58個, Pizza皮太 biscuit了,可以不理。
Dessert又送嚟黃金牛油包$7.5,好好食,我亦外賣咗一個返家翻焗,還暖暖的。
Crème Puff仔,係特別做畀商台的! How sweet!
隔籬楊琤叫咗個多層多士雪糕, quite cute!!!
一月係商台員工最開心嘅一個月,多謝美心!!!大家學吓嘢啦!仲有,留意你住嗰區有冇呢間店。下一間 M18,會在將軍澳開。









 

M18地址
樂富廣場地下 L103-104鋪
電話: 2337 3618

 

蘇施黃
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。


攝影:蘇施黃

    全站熱搜

    tvb4life 發表在 痞客邦 留言(0) 人氣()