胡定欣王浩信 戀足三次終成正果

無綫藝人胡定欣與王浩信第三度合演情侶,經歷了前兩次的unhappy ending後,定欣笑言這次終於可以修成正果了,兩人更穿校服扮學生,誓要勾起大家集體回憶。



胡定欣被公認好戲,只要有發揮,絕不介意演奸角甚至醜角。

胡定欣在無綫新劇《貓屎媽媽》中,與《萬千星輝頒獎典禮2013》「飛躍進步男藝員」得主王浩信第三度演情侶,之前不能開花結果的感情,今次終於有新轉機。

定欣說:「同浩信喺《刑警》、《戀愛季節》,次次都冇happy ending。今次監製安排我哋喺學生時代已經認識,劇情話我一直冇拆穿佢暗戀我,點知佢知道咗反而嬲我。呢個劇係我入行以來最多回憶嘅戲,玩盡咗孖辮校服look,浩信就梳咗郭富城中間界look。劇情仲講我哋嘅偶像係Leslie(張國榮),會有好多集體回憶,觀眾一定會鍾意!」

演後母有難度

除了與浩信有感情線,定欣又與資深演員杜燕歌飾演老夫少妻,可謂演技大考驗。她說:「燕歌真人都係書生型靚仔,同角色設定好接近。我同燕歌呢pair係想帶出『慢活』嘅態度,做人要享受生活。」


胡定欣相信《貓》劇必定能掀起大家集體回憶。

王浩信與胡定欣大人扮學生,造型搞笑。

杜燕歌與胡定欣演老夫少妻。左起:米雪、杜燕歌、胡定欣、黃宗澤

於劇中飾演岑麗香同張惠雅後母的定欣稱:「其實我哋真實年齡唔係相差太遠,最難係點樣以又係朋友又係後母嘅身份去帶出同呢兩個女嘅溝通。(怕唔怕被外界同《My盛Lady》收視作比較?)冇壓力,我對個劇好有信心,因為拍得好開心,演員間又充滿火花,希望鍾意《My盛Lady》嘅觀眾都可以繼續支持我哋。」

文:影視組

攝:沈健程

化妝:Jessica Chan

髮型:Matt Chiu @ Xenter

Ads by Google

    全站熱搜

    tvb4life 發表在 痞客邦 留言(0) 人氣()