冧掂栢芝 謝霆鋒帶子同拉姑過聖誕

謝霆鋒和張栢芝自二O一一年離婚後,現年六歲長子Lucas(謝振軒)和三歲次子Quintus(謝振南)一直跟隨栢芝生活,不過栢芝成日帶仔旅遊歎世界,搞到Lucas原本在港報讀的加拿大國際學校警告會隨時取消學位。有傳栢芝一心帶埋兩子遠走加拿大,去年七月帶仔到加國搵學校兼買樓,但十月初三母子又高調返港,行蹤神秘。直至去年尾,突然傳出霆鋒與Janice Man(文詠珊)撻着,之後就有人拍到霆鋒一家四口在新加坡享受親子樂,有指是栢芝要向霆鋒緋聞女友JM宣示主權。

「新加坡復合」照一出,霆鋒出席其主演電影《救火英雄》首映禮時就回應:「我和他們媽咪(栢芝)有聯絡,但絕對不是復合。」並承認兒子隨栢芝在新加坡定居及讀書,這是兩個人一起決定,因覺得環境較適合一對兒子成長。早前,聖誕節就見霆鋒專登秘密運送兩子返港,仲揀正聖誕佳節搵拉姑一齊開P。當日晚上七時,霆鋒保母車在中環鏞記經過,未幾車輛返抵霆鋒寶雲道新居,一開車門,戴帽霆鋒第一時間落地,將車內三大袋Toys Club玩具拎落車,原來霆鋒和父母啱啱帶兩個心肝椗去中環安慶臺買玩具。霆鋒忙搬玩具,四哥謝賢一見記者即心情靚靚說:「聖誕快樂!」問他如何慶祝?霆鋒即插嘴說:「嚟呢度慶祝囉!」然後一手抱大仔Lucas落車,拉姑就抱住寶貝孻孫Quintus上樓,Lucas和Quintus一見記者即禮貌說:「Merry Christmas!」鬼咁精靈。四哥行到大廈門口,轉身叫Lucas行快啲,長高不少的Lucas即飛奔到爺爺身邊,一行人上樓拆禮物開P度佳節。

 

 

拉姑和四哥難得可以和兩個孫仔團聚,心情靚到爆,全程笑不攏嘴。

 

Lucas和Quintus一見記者即禮貌說:「Merry Christmas!」鬼咁精靈。

 

去年尾,有傳霆鋒與Janice Man(文詠珊)撻着,但二人均否認戀情。

有傳栢芝一心帶埋兩子遠走加拿大,去年七月帶仔到加國搵學校兼買樓,但十月初三母子又高調返港,之後又安排兩兒子在新加坡定居及讀書。

Ads by Google

    全站熱搜

    tvb4life 發表在 痞客邦 留言(0) 人氣()