娜姐怕NG被攝 狂匿埋唔見人

早一個月前,周秀娜出席活動時,已揚言即將同鄭伊健合作在戲中演情侶,又講到會做晒情侶會做事,搞到成班傳媒要追住佢探班。而早前鄭伊健同周秀娜就上環開鏡,佢主要餐廳入面演對手戲,齊齊戴上圍裙招呼客人,而且當日佢心情勁靚,一見到記者亦開心打招呼。不過由於地方太過狹窄,有附近居民唔滿意車位全被攝製隊泊滿,一度報警投訴,要驚動警察到場了解。而去到拍攝尾段部分,娜姐頻頻NG,一個鏡頭重拍10次之後,搞到執導鄭丹瑞(阿旦)要親自落場教戲,被「教」戲娜姐就有眼濕濕,認真我見猶憐。

個幾星期前,原班人馬又上環繼續拍戲,不過今次好姨就唔係太好彩,雖然撞到佢,但各人態度都非常冷淡。現場所見,娜姐一見到好姨拍攝即匿番埋帳篷內,要工作人員嗌到佢埋位時,先包到實一實慢慢行出,可能佢再驚被人影到NG鏡頭啦,唔知重以為佢到耍大牌。而阿旦同伊健知道有記者採訪,明顯都有緊張,無咩必要又匿帳篷到唔見人,其實好姨只係經過探下班,又唔會報串call警察,唔使拍得咁鬼祟。

Ads by Google

    全站熱搜

    tvb4life 發表在 痞客邦 留言(0) 人氣()