Eason叱咤封王 G.E.M.冇影寸爆

#video_player{width:100%;height:100%;}


■G.E.M.今晚唔會出席叱咤頒獎禮,仲狠批唔知叱咤做緊乜!

商台叱咤樂壇頒獎典禮賽果今晚喺灣仔會展揭盅,馮仁昭收到風,陳奕迅(Eason)起碼狂掃4個獎成為獎王,包括破紀錄十奪叱咤男歌手金獎、至尊歌曲、我最喜愛男歌手同我最喜愛歌曲,而至尊碟就係Eason同容祖兒之爭,如果Eason擸埋至尊碟就以5獎稱霸。
消息指男歌手三甲係Eason、周柏豪、許志安,女歌手三甲係祖兒、薛凱琪、王菀之,組合三甲係C AllStar、Supper Moment、Robynn& Kendy,唱作歌手係藍奕邦、周柏豪、盧凱彤;叱咤十大歌曲得主就係Eason、李克勤、許廷鏗、周柏豪、許志安、連詩雅、王菀之、祖兒同C AllStar等。


■據知Eason今晚坐四望五狂擸獎,做硬大贏家。資料圖片

「冇預時間去」

同商台反咗面嘅鄧紫棋(G.E.M.),舊年冇歌上到叱咤榜,今晚自動消失唔去頒獎禮,佢噚日喺電話度話:「喺澳門跨年,聽日(指今日)就算返港都搵朋友食飯,有冇獎都冇預時間去。」係咪唔使畀面商台?佢話:「冇歌上榜,唔知叱咤做緊乜嘢,我哋有派歌,但完全冇播。」覺得叱咤唔公平?佢話:「我上年表態咗,態度冇變,唔出席係最大表示,唔想嘥口水每年講一次。」
柏豪挑機Eason角逐叱咤男歌手,柏豪噚日喺商台訪問度話:「我仲差好遠,但可以同神級偶像出席同一個頒獎禮已經好開心。」
撰文:馮仁昭

Ads by Google

    全站熱搜

    tvb4life 發表在 痞客邦 留言(0) 人氣()