高皓正亂噏
生仔痛罪孽重

#video_player{width:100%;height:100%;}


■高皓正前日陪伴太太順產誕下6.6磅麟兒。

曾自爆患性沉溺的「高教主」高皓正,前日其太太陸凱兒誕下6.6磅男嬰,高皓正在facebook報喜指太太在完全沒麻醉下,差不多沒半點疼痛極速順產誕下麟兒,他留言:「記得一位牧者曾經對我說過,聖經記載女人原本生產並不很痛楚,然而人墮落犯罪之後,這種生產的痛楚大大增加……女人若常存信心、愛心,又聖潔自守,就必在生產上得救。」


■兒子預產期本是後天,怎知前日搶閘出世,趕及一家人慶祝新年。

網民促道歉

有網民狠批高皓正口不擇言:「不要把產子陣痛視為不信主便是罪有應得的下場,所有宗教都係導人向善,閣下的幸災樂禍式感恩已經偏離教義,請誠心懺悔向所有婦女道歉」、「即係唔信主媽咪會受罰?你係咪生仔生到懵咗呀?」
昨日高皓正接受本報電話訪問,他說:「太太朝早陣痛入院,一分鐘唔使BB就出咗嚟。」對於被網民狂插,他解釋:「係聖經記載,我哋相信耶穌會拯救我哋,除咗永生外,痛苦都可以免去。」他又否認幸災樂禍:「絕對唔會,我嘅分享係祝福準媽媽唔好咁驚,希望大家憑信心唔好經歷咁多恐懼同痛楚,如果佢哋(網民)有誤會,我當然好抱歉,但我有我自由表達,從來唔上心佢哋點鬧我,當然佢哋講嘅說話我會反省,希望大家進步。」

同樣身為教徒的DJ森美昨接受電話訪問說:「我都係基督徒,但冇佢咁熟聖經,佢引牧師所講,大家同唔同意,都唔應該加罪於佢,基督徒相信每人都有罪,如果唔係教徒,呢番話敏感啲,你可以唔信佢說話,但佢冇詆毀其他孕婦。」
採訪:皓騫


■高皓正在fb發佈生產論,指聖經記載人墮落犯罪後,生產痛楚大大增加。


■網民狂插高皓正生產論幸災樂禍,要他向所有婦女道歉,亦有人狠批他沒常識。

Ads by Google

    全站熱搜

    tvb4life 發表在 痞客邦 留言(0) 人氣()