明哥吹神上身
不嬲畀人感覺不苟言笑嘅明哥黃耀明，查實私底下對住班熟朋友都幾多嘢講。日前，東姑見佢喺ifc大堂出現，雖然嗰陣啱啱放工時間，商場勁多人，但都無礙佢同郭啟華等一班friends企喺度吹水嘅雅興。
吹水吹到口乾，明哥仲喺佢個背囊度攞咗支水出嚟飲，然後繼續傾到入晒神。大約五分鐘之後，明哥先好似醒起約咗人，即同班friend道別，一支公急急走去搭港鐵。
整帽期間，佢助手都幫埋佢手。
明哥傾傾吓偈，發現東姑，即時整番正頂帽。
最後明哥一支公急急走去搭港鐵，睇嚟應該係約咗人。
Ads by Google
全站熱搜
留言列表
