佘詩曼冧攬人夫

佘詩曼(阿佘)自從返咗內地拍劇之後,粉絲就冇乜機會見到佢,舊年佢仲因為椎間盤移位休息咗一排添。不過,各位「佘迷」唔使擔心,因為佢同內地影帝胡軍合作嗰套《建元風雲》電視劇終於有得睇嘞!日前,套劇喺TVB搞咗個記者招待會,冇見阿佘咁耐,東姑專誠入去一睹伊人嘅真身。

天寒地凍得番九度,但係阿佘冇有怕,並以deep V上陣,見到人夫胡軍即攬攬取暖。

雖然當日只得九度,但係搏晒命嘅阿佘,就以超deep V及熱褲上陣,當佢見到人夫胡軍時,即刻飛撲上前攬攬。東姑企喺佢哋隔籬,見到阿佘個冧樣,差啲誤會佢想溝人夫,而成個記者招待會,阿佘仲不時偷望胡軍添。雖然胡軍係型啫,之但係人哋九九年已結婚,仲有一仔一女,咁鬼幸福,身為緋聞女星嘅阿佘都係少攬為妙啊。

阿佘攬住胡軍「冧之之」唔肯放手,令旁人為之側目,小心又傳出緋聞呀!

阿佘唔止着大deep V,一條熱褲令佢嘅美腿表露無遺,索爆!

Ads by Google

    全站熱搜

    tvb4life 發表在 痞客邦 留言(0) 人氣()