力撐曾志偉 楊千嬅重口味上場

過往幾年的賀歲片齋玩大堆頭都可以大收旺場,不過這套拳唔知今年仲得唔得,皆因紅星拱照的《大鬧天宮》真係唔睇唔得,甄子丹、周潤發、郭富城粒粒夠照,再有周潤發拍謝霆鋒的《賭城風雲》,後來殺出的《金雞sss》仲癲,擺明要來分杯羮的吳君如碌爆卡搵張家輝、鄭中基、古天樂、張學友上場鬥胡鬧,還要預告以38G奶激戰舊愛杜德偉,真係諗起都想睇。

幾部賀歲片都咁有睇頭,由曾志偉揸旗的《六福報喜》都要嚴陣以待call齊串星撐場,鐵腳鄭中基、薛凱琪繼續瘋狂,連已為人母的影后楊千嬅都落場玩埋一份,日前就見千嬅以一襲紫紅連身裙配紅絲示人,造型極重口味,到九龍塘街頭陪志偉嗒雪糕。劇情講述,千嬅參加電視台的《熟女愛作戰》比賽,要在街上搵個男人抄牌(攞電話),見志偉推着BB車經過便上前搭訕,還請志偉食雪糕,話咁快抄牌成功,肥Bob即拉隊衝出叫囂,嬲到志偉轉身就走。

 

日前就見千嬅以一襲紫紅連身裙配紅絲襪示人,到九龍塘街頭陪志偉嗒雪糕。 (相片來源:《頭條日報》)

 

今年賀歲片部部來勢洶洶,曾志偉即時call齊一班好友客串撐場。 (相片來源:《頭條日報》)

Ads by Google

    全站熱搜

    tvb4life 發表在 痞客邦 留言(0) 人氣()