豬鼻蛇屬美國新興寵物,在港飼養不需領牌。牠樣子傻傻呆呆,吸引到 Bowie為牠們大破慳囊。色系:紫系極端紅白化( Purple Line Extreme Red Albino)價格:$5,000至$16,000 

Petbook

傻傻的 豬鼻蛇

豬鼻蛇顧名思義是擁有一個大大的豬鼻,樣子可愛且帶點傻氣,外觀完全違反了蛇凶猛的形象。
資深爬友 Bowie就是被豬鼻蛇傻傻的外表所吸引,於短短 3個月內花了 10萬元從美國買入 10條豬鼻蛇。
估不到蛇加一個豬鼻,魔力真係咁大!

 

Bowie飼養過不少爬蟲,包括蠍子、守宮及蜘蛛等, 3個月前,他從美國爬蟲網看到有關豬鼻蛇的資料,猶如鬼上身一樣,對豬鼻蛇着了魔!之後更從當地引入約 10條不同顏色的豬鼻蛇,「豬鼻蛇得意之處係佢有好多種顏色,我最鍾意特別色,好似粉紅、白化及極端紅等,條條都上萬起跳。」
香港有不少人養寵物蛇,最常見為粟米蛇及球蟒,「豬鼻蛇係近年美國新興嘅品種,香港比較少人玩,佢身形細小,個樣夠晒 cute,性格又溫馴,好適合新手玩㗎!」


色系:柔和粉紅( Pink Pastel)價格:$8,000至$10,000 

這條叫三色豬鼻蛇,屬於南美豬鼻蛇屬,同樣擁有一個豬鼻,但與美國的豬鼻蛇不同屬。價格:$3,000-$6,000 

色系:蟒蛇色( Anaconda)價格:$4,000-$12,000

貓糧醃老鼠


豬鼻蛇品性溫馴,身形細小,所以 Bowie很喜歡把牠放在手中把玩。 

野生豬鼻蛇屬雜食性動物,多以老鼠、青蛙、魚及蜥蜴為主食,但人工繁殖的豬鼻蛇,在新環境一般都較難開口進食, Bowie要怪招盡出才能令他的寶貝們開餐,「養蛇多數會以老鼠為主食,貪佢夠衞生及營養充足。初初拎佢哋返嚟時,其中 1條唔肯開口,之後我試過扑爆個老鼠頭嚟增加腥味引佢,點知都唔得;到最後我要用有魚味嘅貓糧醃啲老鼠,先成功令佢開口。」
Bowie指豬鼻蛇雖然外表沒有殺傷力,但牠口裏藏有毒牙及唾液也帶有毒性,「佢哋嘅毒牙係喺喉嚨位置,即使俾佢哋咬到,都唔會直接掂到毒牙;加上佢哋嘅毒性好溫和,最多癱瘓蟾蜍及老鼠等小型動物,不足以影響人類。當佢哋遇到危險,通常只會反肚扮死,而唔會咬人。」

繁殖特別色

豬鼻蛇打理容易,成體每星期餵一次便可,飼養溫度介乎聶氏 21至 29度,適合香港氣候飼養,只要打理得好,牠們的壽命一般有 15年以上,「嚟緊我打算試吓自行繁殖豬鼻蛇,當佢哋有 1歲大,全長有 40至 60cm時,就可以繁殖。繁殖豬鼻蛇首先要經過 6至 8週嘅冬眠期嚟催化雄性嘅精子,咁樣受精率會比較高;冬眠溫度要保持係攝氏 12至 15度,佢哋一胎可以生到 10至 40隻蛋,我希望可以繁殖到一啲擁有特別顏色嘅豬鼻蛇啦。」

騷 goods 豬鼻蛇的食與住


住 

豬鼻蛇體形比較小,飼養箱只需要約有 2呎× 1呎的空間便足夠,底材可選用吸臭及吸水力很好的白楊木絲,方便清潔。另需在飼養箱內放入水盆保持濕度便可。整套用具約售$200。

 


食 

豬鼻蛇同樣以老鼠為主食,成體每星期餵一次便可,每隻老鼠售$8至$12。

銷售點:

城市森林爬蟲專門店  2380 7803


撰文:何倬然
攝影:崔百祥

Ads by Google

    全站熱搜

    tvb4life 發表在 痞客邦 留言(0) 人氣()