潮𡃁便當

型新 Food court

去 food court,來來去去幾道板斧,一式一樣座位,夠悶了吧!想要點新鮮感吧!
啱!旺角新世紀廣場大執,連帶 food court都化身為繼新加坡、上海後第 3處食代館( Food Opera),環境大不在講,仲玩 4大主題區; at the same time,銅鑼灣 cookedDeli新開,引入 2間 pizza及熱狗店, food court再唔係次選!

自動炸飯機熱入心

首次來港,日本北陸地區石川縣金澤市過江龍,主打以雞及醬油作湯底,味道較豬骨湯清新,麵條日本秘方,用日清麵粉製,有粗幼 2種,夠滑!炒飯用上日本鎮店之寶特製旋轉炒飯機, keep住高溫 240度炒,粒粒米受熱均勻!


炒飯用上螺旋式高溫機,令秋田小町米在 240度高溫中平均受熱,食落熱入飯心! 


中華麵(粗)配麵座炒飯$45一個套餐試到兩種招牌,都不過是$45,超抵。

Check! Food court 4主題

新世紀廣場大執,格局升級,食代館( Food Opera)同樣走 high end路線,繼新加坡及上海後立戶香港,佔地 18,772平方呎,有 629座位,全場用黑白地板配復古幾何圖案做主調,型!設 4大主題區,包括英法紳士、住家廚房,黑白型格及中式青花瓷區,雖然略嫌園區分布不明顯,但細心客人不難留意到倫敦大笨鐘油畫,青花瓷等布置。共有 18間餐廳,涵蓋日韓、越泰、港台、川滬菜,全以 open kitchen及自助餐設計,似去 buffet場多過 food court!


英法區 

青花瓷區 

食客 阿希 倉務

今次試咗叉燒拉麵,環境好型格,唔同以往 food court嘅感覺。

食代館

旺角新世紀廣場 3樓
營業時間:星期一至五: 7:30am-10pm;星期六、日: 7:30am-10:30pm
座位數量: 629個

金尚宮 冇油煙韓燒

引入凹板韓燒電子爐,爐身以韓國合成物料製,少油煙,食物不用任何油燒,凹板令食物特別是肉類留有空間,方便鎖住肉汁,食落味道更佳!


牛胛翼板肉$70牛的肩頸位,不會太肥,可配自製麻油海鹽,加$10,更惹味。 

旺記冰室 懷舊 angel hair

1976年秀茂坪山泥傾瀉後首度在 food court重開,有賣港式西多士、沙嗲牛包等,同時破格 crossover埋西式 menu如意粉天使麵等,舊冰室玩創新!


白汁黑松露雜菌天使麵$45用上意大利入口一級黑松露,松露香隨輕煙襲來,食慾大增! 

食客  Ted Fong Grace 公開大學三年級生

地方大,多嘢揀,環境正,我哋成日都嚟食嘢吹水!

點心到 入時臘味飯

酒店五星級主廚監督,每日新鮮製蝦餃燒賣腸粉等一盅兩件,飽肚之選有排骨飯及籠仔飯等, menu更會因時令調整,如最近天氣凍,就推出臘味飯,暖笠笠,唔似外面冷空氣狠心。


荷香薑粒臘味籠仔飯$36大大粒臘腸膶腸好足料,飯粒有口感,愈𡁻愈興奮。 

Salad& Pasta 紅酒汁煮牛尾


專賣沙律、 pizza及 pasta, pasta由意大利入口粉糰,選擇比平時 food court更多,由扁意粉、長通粉、意大利雲吞都有, pizza是最近新品, 7款口味如辣肉腸、風乾火腿等,稱得上 food court界最講究意菜。


意大利直條麵伴紅酒燴牛尾$88燴牛尾屬工夫品,燴製需時,少有在 food court食到。肉身腍到富酒香,伴直條麵一流。 

巴拿馬火腿伴火箭菜薄餅$88鹹香十足,餅底香脆。 

Check!銅記唯一的秘密

edDeli經過翻新重開,走歐陸 raw market感覺,原色實木、綠色元素大增,舒服!共有 10間店進駐,可坐 200多人,食店由日韓、泰越等都有,更設銅記 cookedDeli特有即叫即鮮榨果汁檔,以及食店 Salad& Pasta及 Hot Dog,前者提供沙律、 pizza及 pasta;後者賣熱狗薯條。

cookedDeli

銅鑼灣時代廣場 B1地庫
營業時間: 10am-10pm
座位數量: 210個

Hot Dog 脆辣法包熱狗

主打 3款熱狗薯條,美式墨西哥香辣式都有,包身選用自家品牌 Little Mermaid Bakery製造的麵包,即是用日本麵粉製,用料夠靚!而薯條方面,醬汁有燒汁、芝士肉醬及芝士墨西哥辣肉醬選擇,鹹香、惹味、辛辣齊晒。

墨西哥辣肉醬熱狗$45(單點)/$59(連薯條及汽水)
包身似法包但不似法包咬不入口,香腸香草味濃,配上面的洋葱、番茄粒及肉醬,好惹味。

食客  Maggie& Lily 老師及銀行

第一次試呢間,肉醬芝士辣辣哋芝士味又濃,幾好味!

Check!睇 call機拎飯

全店都設有呢隻傳呼機仔,食物攞得嗰陣會發光發聲,提醒食客出去拎,再唔使頭[!8A4C][!8A4C]四圍撲。




撰文:梁智欣
攝影:崔百祥、黃家活

Ads by Google

    全站熱搜

    tvb4life 發表在 痞客邦 留言(0) 人氣()