猷啟與女狂歡 車廂攬錫

#video_player{width:100%;height:100%;}


■何猷啟噚日凌晨同女友慶祝聖誕後,發現記者時面容扭曲。

【中環→九龍塘→中環→九龍塘】賭王何鴻燊三房兒子何猷啟之前被傳有斷背情,搞到家姐超雲、超蓮幫口澄清,猷啟一於以行動證明唔係斷背。噚日凌晨兩點,22歲嘅猷啟同女友慶祝完聖誕後,一齊坐司機揸嘅七人車由中環送女友返屋企,雖然玩咗成晚,但兩人途中依然忍唔住攬攬錫錫,鬼咁癡纏。

 

女友踎車廂

七人車直駛到九龍塘喇沙利道一豪宅,猷啟落車送女友返屋企時發現記者,表情驚嚇,即刻閂車門落埋簾,原車過番香港。記者上前影相,不過得猷啟一個喺車廂扮冇其他人,原來女友踎咗喺車廂最後排座位地下。跟住架車帶記者遊車河,駛咗返三太布力徑屋企,但冇停車又再落中環藝穗會,猷啟落車笑笑口扮冇嘢,仲反問記者:「做乜咁大陣仗呀?」


■猷啟女友匿喺後座,但又忍唔住偷望記者。


■猷啟話冇嘢,點解女友又踎咗喺車廂呢?

猷啟落咗車,司機之後扮揸住架吉車由紅隧過海,過到紅磡後即刻兜番轉頭過海直去上環信德中心六樓私人停車場,司機泊好車後扮走,仲問記者:「冇人喎,影乜呀?」但記者見到猷啟女友踎喺車廂內,間中「裝」出嚟。十分鐘後,司機再返去,將架車泊去另一個位,不過都係撇唔甩記者。終於搞到凌晨3點幾,最後司機開走直駛返喇沙利道,就有個着睡袍嘅女人接咗猷啟女友返屋企。
採訪、攝影:黃曉程、潘冠恩


■猷啟同女友喺車廂不禁煙韌一番。DV圖片


■去到中環,猷啟落車使開記者。


■最後司機直駛返喇沙利道,送猷啟女友返屋企。

Ads by Google

全站熱搜

tvb4life 發表在 痞客邦 留言(0) 人氣()