王祖藍中女搶集

之前王祖藍同黃光亮以父子檔上陣拍《老表,你好嘢!》,真係睇到東姑笑到碌地,既然收得又有咁大嘅迴響,祖藍梗係想添食。早排,佢兩個喺一個慈善餐舞會上碰頭,祖藍即刻邀請呢位「老竇」拍續集。雖然黃光亮應承肯拍,但就話只能夠拍一、兩日戲客串吓,因為太忙喎!

呢位粉絲都唔知係想合照定係另有企圖,合照時竟然唔望鏡反而偷望祖藍,夠晒鬼馬!

不過,嗰日喺餐舞會上,東姑覺得祖藍仲忙,場內啲太太們爭住同佢影合照,走嗰陣,祖藍諗住靜雞雞去停車場攞車鬆人,點知又畀個中女粉絲捉住影自拍相。東姑見到個中女影嗰時都唔係望鏡頭,反而係望住祖藍兼且眼甘甘,所以集郵呢家嘢並非係靚仔先有人集,風趣嘅祖藍一樣搶手。

祖藍準備鬆人之際,呢位粉絲似乎未夠喉,要偶像影多張戚眉戚眼相,而祖藍亦冇say no,真係人見人like!

日前,祖藍喺宴會上見到劇中老竇黃光亮,即刻就邀請佢拍《老表2》,可惜「老竇」話只拍到一、兩日,因為太忙喎!

Ads by Google

    全站熱搜

    tvb4life 發表在 痞客邦 留言(0) 人氣()