薛芷倫 食識聖也

聖誕節,不一定要到酒店食火雞自助餐才叫有節日氣氛;能夠親自下廚,煮愛心健康餐與家人和朋友共享,更加溫馨浪漫。早前曾到美國加州學廚的「Ball后」薛芷倫(Fanny),今年就會秘製愛心大餐,與子女共度窩心聖誕。「今年我會親自煮大餐畀仔女食,兼交換禮物,之後會同佢哋和馬生(前夫馬清偉)去上海一星期,回港後再去君悅除夕ball。」曾經好勝貪玩的Fanny,走過乳癌的幽谷,戰勝病魔後,頓覺健康的重要。「以前出街乜都食,依家就鍾意自己煮有機食物,戒食有雌激素的雞同燕窩,無嘢重要得過健康。」食得豪,唔等於醒;識得食,才是現代人的健康本色。

薛芷倫心目中的理想聖誕是白色聖誕。「最好去法國或瑞士滑雪,夜晚圍在火爐邊,同心愛的人或家人一齊飲住熱朱古力促膝詳談。」

飯來張口

一身pink lady聖誕裝束的薛芷倫,這天即席揮毫自製蜜糖黃金蠔,及肉桂焗蘋果,雖然兩味菜都是她的首度嘗試,但由刀工、調味至焗製,每個過程都有板有眼,可見她在美國學廚三個月,大有成果。

「呢兩道菜都係同朋友傾偈時鑽研出來,我好怕跟住cook book煮嘢食,太死板了,自己慢慢嘗試、研究,反而仲多得着。」

兩道聖誕大餐完成後,薛芷倫興奮得馬上拿起iPhone拍照留念,相機先食。

Ads by Google

    全站熱搜

    tvb4life 發表在 痞客邦 留言(0) 人氣()