天氣乾燥,指甲邊就容易長倒刺,令人不勝煩擾,專家強調切忌手多多「搣倒刺」,隨時會發炎,後果可大可小。 

壹知全解

倒刺不要搣

很多人都會生倒刺,天氣凍、乾燥就更多。近日行經大型化妝品店,總有顧客會問:「有冇防倒刺嘅產品呀?」店員就會亮出一支潤甲筆,聲稱內含茶樹油成分,可以堅固角質指甲組織,有效預防倒刺及發炎,一支售價百多元。究竟有冇用?點解會生倒刺呢?

 


茶樹具有消炎殺菌作用,以往會採其油作治理暗瘡發炎,但現在一般皮膚科醫生都不會使用,指其沒有太大功效。 

內科醫生任俊彥指出,指甲邊會容易生出倒刺,其實是因為圍着指甲的角質層離開了真皮層,因指甲邊的皮膚沒有毛髮,亦沒有油脂分泌腺,而且特別薄,所以最容易乾燥爆坼:「冬天乾燥唔係塊面出事,而係隻手出事先,一洗手就更加乾,摩擦會令角質層更容易離開佢原有位置,但只係披口離開咗,尾端仍然黐住真皮層,就變成倒刺,一搣就可能變傷口。」
他說一般護膚產品已可防倒刺,「如果你話搽潤甲筆有用嘅話,咁任何一隻有潤膚成分嘅產品都有治療功效。茶樹油有消炎作用,因為通常搣倒刺會痛,令佢冇咁易細菌感染,其實你搽任何潤手霜都得。」

 

皮膚科專科醫生史泰祖就直指「茶樹油冇乜用」。他說茶樹油有消炎作用,多用作治療暗瘡,但因為效果並不顯著,所以不足以殺死甲溝(皮膚與指甲間的縫隙)內的真菌,「有啲人搽咗更可能會敏感痕癢、泛紅,搽太多會有刺激性。」
一般人長倒刺會有個壞習慣,喜歡即刻用手搣走,但史建議千祈唔好:「有啲人冇倒刺或者有少少倒刺都習慣咗去搣佢,但係就更加容易傷咗去另一層皮膚,可能會流血或者引發甲溝炎,令倒刺更加嚴重,要睇醫生。」
任俊彥建議應用正確方法處理倒刺:「如果倒刺比較長,你可以用鉸剪或者指甲鉗輕輕修剪佢,然後搽番潤膚膏都 OK,過兩三日就好番,夾硬扯會刺激皮膚。如果真係有傷口,可以用坊間買到的消炎膏搽。」

冇半月形唔正常?

坊間常有流傳,話指甲沒有白色半月形(見圖),就表示血氣唔好,但原來並無根據。任俊彥醫生說,該處只為生長指甲的地方,醫學上稱為「甲母質」,「甲母質」的生長速度是由中央向兩邊遞減的,形成弧形,有的人半月形較小或看不見的原因是「甲母質」比較靠後,或是甲下皮生得厚覆蓋住。


撰文:林丹霞
攝影:莫智謙

Ads by Google

    全站熱搜

    tvb4life 發表在 痞客邦 留言(0) 人氣()