何超蓮黑X紅對質

在時裝設計或是搭配上大玩質料對比,將完全不同的質料放在一起,能夠令Total look層次感更加豐富與特別。皮革、閃片、喱士和薄紗等都是常用於質料對比的元素,要玩得出色,撞出來的感覺要Match和舒服,否則只會格格不入。一眾名媛女星親身示範演繹,名模陳嘉容就大讚賭王千金何超蓮令人眼前一亮,Mandy Lieu則性感Fashionable。



何超蓮

何超蓮

「令人眼前一亮,青春活潑得嚟又Sexy,好襯佢何家千金嘅身份。條裙好短,但裙襬多咗層紗就唔會覺得太短,若隱若現更性感,厚薄兩種質料拼埋一齊好有層次感。」

官恩娜

「佢身材好好,套衫騷到佢嘅玲瓏曲線,但由頭到腳都太貼身,有啲似六、七十年代嘅性感女星,唔夠時尚感。換條Hot pants或者短裙,騷番佢對長腿會靚啲同Trendy啲。」

吳千語

「最穩陣嘅着法,玩質料對比嘅入門打扮,黑色同灰色係百搭色,基本上唔會出錯,但個造型都幾OL感覺,有啲沉悶,無乜驚喜。好彩佢有個靚樣同埋對長腿搭夠,如果入面件Top撞隻鮮色啲嘅顏色,效果會突出啲。」

周秀娜

「有啲九唔搭八,件衫同條裙好唔Match,件衫個Pattern好花,條裙又多Details,加埋個髮型又好累贅,睇到人眼花繚亂。」


官恩娜

吳千語

周秀娜
陳妍希

「套衫本身靚嘅,但畀佢着就老積咗啲,件衫就偏大,着到佢個胸好似下墮咁,個樽領又着到佢無咗條頸。換件圓領同貼身啲,Fit size嘅衫,襯對Ankle boots會型啲同後生啲。」

Mandy Lieu

「好靚,紅襯黑永遠都唔會出錯,如果淨着入面件Corset款Top會太Sexy,加件西裝褸即刻High fashion咗,內外嘅顏色同質料亦有好大對比,更添層次感。」


陳妍希

Mandy Lieu

Eunis
Eunis Profile

香港著名模特兒陳嘉容(Eunis),曾為各大國際品牌行時裝騷,在時裝界打滾多年,在時裝的理論還是實戰都難不倒她,近年更為電視時裝節目擔任主持,化身stylist教人配襯衣着打扮。

Ads by Google

    全站熱搜

    tvb4life 發表在 痞客邦 留言(0) 人氣()