Jeana公開徵友 夜蒲過聖誕

甩拖後的何佩瑜(Jeana)今年要過單身聖誕,相反同門余曉彤和盧頌之佳節不愁寂寞,自言dry爆的Jeana慘成被寸對象,故她表示要公開招男友陪她夜蒲過聖誕。



Jeana(前者)慘被同門師妹Hidy及DaDa寸dry爆,自言正積極物色異性陪過聖誕。

回復單身的Jeana與同門余曉彤(Hidy)和盧頌之(DaDa Lo)非常老友,聖誕節將至,三女計劃搞派對狂歡,提到今年的聖誕願望,最近有新戀情的DaDa Lo直言要減肥10磅,她說︰「今個聖誕要節食,因為咁大個女未試過113磅,成日畀人話我肥。」Hidy即寸她有愛情滋潤發福不少,DaDa Lo聞言後即說︰「哈哈!講呢啲!」隨即再轉移目標攻擊Jeana,她笑說︰「係呀,我比Jeana好啲,因為我唔dry。」

條件要夠精力

Jeana聞言後扮慘樣,雖然今年單身過聖誕,但她卻笑言可奉旨夜蒲,又即場公開招男友︰「就係單身先去夜蒲,而且因為電影宣傳,所以要以身作則。我當然想搵異性啦,年齡唔可以太大,因為男仔一定要有精力同我去蒲。」眼見Jeana出晒面搵男友,Hidy即邀請對方出席派對,直言會有不少筍盤出席,她說︰「其實每年我屋企都會搞party,咩人都有,男女老幼,咩職業都有。」Jeana得知後表現興奮,更問hidy︰「有冇飛虎隊?因為我覺得飛虎隊可以保護到我。」

文︰專案組

攝︰吳文聰

Ads by Google

    全站熱搜

    tvb4life 發表在 痞客邦 留言(0) 人氣()