雨僑恨買樓 搵錢唔去玩

歌手雨僑雖然早前整親腳,不過她為要跟屋企人夾份買樓,故聖誕檔期搵錢至上,繼續密密做未有休息,雨僑早前更買落一批靚鞋準備迎聖誕,曾因整親腳而未能穿着,令她大感可惜。



想買樓的雨僑笑言最想收到傢俬做聖誕禮物。

不少人都會趁聖誕節去瘋狂一晚,不過有圈中人趁這個黃金檔期密密吸金,歌手雨僑自言聖誕節向來都不會去玩,入行後都在工作中度過,雖然與聖誕派對無緣,不過她仍會買聖誕禮物送給朋友和同事,感受節日氣氛,她說︰「我每年都會買禮物送畀公司同事,不過年年我都唔會去玩,我覺得做嘢搵錢比較好,而且想同屋企人夾份買樓,所以要搵多啲。」


雨僑在聖誕檔期繼續密密吸金,不介意冇得慶祝。

問到會否送禮物給緋聞男友羅力威及跟對方補祝聖誕節,雨僑則說︰「我成個聖誕節都要做嘢,連玩的時間都冇,所以有時間先算,今年送畀朋友嘅禮物唔多,睇下夠唔夠分。」

搭的士要求救

早前雨僑不慎整傷腳,雖然在康復中,但因仍要穿上保護腳套,即使買落大批靚鞋於聖誕時着,現在也未能成事,她說︰「其實有唔開心,始終買咗唔少鞋諗住聖誕節着,不過健康最重要,都想隻腳快啲好番。」她直言因腳傷關係,帶來不少麻煩,她說︰「因為整親隻腳後大部分時間有公司車送我返屋企樓下,但當自己搭的士返屋企,先發覺好耐冇錢,喺的士度發覺唔夠錢畀,要打畀屋企人求救。」

髮型︰Imen Tang

服裝︰Snidel

場地︰荷里活廣場

文︰專案組

攝︰沈健程

Ads by Google

    全站熱搜

    tvb4life 發表在 痞客邦 留言(0) 人氣()