胡定欣挑戰後母零隔膜

胡定欣這兩年均奪得「女配角」獎項,包括《萬千星輝頒獎典禮2012》及《TVB馬來西亞星光薈萃頒獎典禮2013》。她在新劇《貓屎媽媽》中與實力演員杜燕歌演老夫少妻,更取替米雪的母親地位,代為照顧岑麗香和Regen(張惠雅),其後母角色的發揮,令定欣大有機會連續三年凱旋而歸。



胡定欣

演技備受觀眾肯定的胡定欣,在新劇中與做戲經驗豐富的米雪「拗手瓜」,監製張乾文激讚定欣好戲,他說:「定欣表現sharp醒,杜燕歌都好in,佢兩個完全唔覺有年齡差距;而定欣演香香同Regen嘅後母,雖然實際上佢哋嘅年紀差距有限,但出嚟嘅感覺好理想,三人完全冇隔膜,凸顯番香香、Regen同生母米雪嘅溝通問題,成個劇個個都咁好戲;劇中定欣仲會同青梅竹馬嘅王浩信有好多回憶片段,會勾起好多集體回憶,譬如會提到哥哥(張國榮)嘅歌、fans club等素材。」

了解女兒世界

張乾文又指與米雪相識多年,其演出近年令人煥然一新:「我識米雪好耐,佢嘅演技不容置疑,我覺得近年佢演戲好放鬆,拋得好開,今次演女強人,專門炒人魷魚,心狠手辣,因為職業影響,令佢對自己兩個女都係咁硬。劇中佢為咗重建母女關係,而參加啲女嘅睡衣party,又跟埋啲女去跳舞。呢個劇希望話畀觀眾知,母女間即使有隔膜,都可以作彌補。」


米雪因職業關係變「惡母」,對女兒非常嚴厲。

岑麗香甘為黃宗澤做後母。

王浩信與定欣在劇中青梅竹馬,感情要好。
岑麗香重蹈覆轍

剛在《萬千星輝頒獎典禮2013》奪得「飛躍進步女藝員」的岑麗香於新劇中除與黃宗澤(Bosco)談情說愛,更會為做人後母而掙扎,有大量內心戲,張乾文說:「香香喺劇中唔只喺感情上幫到Bosco,連事業上都係。因為胡定欣演佢後母,點知Bosco偏偏又係個帶子雄郎,佢好矛盾。」張乾文又透露:「劇中Bosco被個仔嘅生母楊愛瑾嫌棄,觀眾從來未睇過咁樣嘅Bosco,佢同小演員嘅感情戲演得好有父子情,小演員又幫Bosco沖涼同擦背,好溫馨!Bosco話露得嘅乜都露,fans萬勿錯過!」


Bosco劇中父兼母職湊大囝囝。

古明華(右)的演技大獲好評,而王浩信則做足功課。
古明華鍾愛鳳姐

除了香香、胡定欣、米雪的精彩好戲,張乾文更為演藝出身的古明華與羅敏莊精心打造一段「不可能的愛情」,他說:「古明華同羅敏莊對演戲都好有抱負,呢個係羅敏莊離開無綫前最後一劇,好開心可以將兩個好戲之人擺埋一齊。古明華飾演嘅裝修師傅,戀上飾演一樓一鳳嘅羅敏莊,佢哋嗰場表白戲,觀眾千萬要留意,非常精湛嘅solo演出,肯定笑爆嘴!」張監製又提到王浩信:「佢今次演個昂藏6尺嘅家政老師,凡係『女人』做到嘅嘢,佢都做得到,仲做到維肖維妙,佢為咗角色仲專登去學織冷衫,我欣賞佢嘅敬業樂業。」

文:影視組

Ads by Google

    全站熱搜

    tvb4life 發表在 痞客邦 留言(0) 人氣()