霆鋒借栢芝關係避談JM

英皇電影《救火英雄》昨晚舉行首映,近日因感情事成為焦點的謝霆鋒受訪時絕口不提「新歡」文詠珊(JM),但主動稱與前妻張栢芝「有關係」,更首度點頭承認兩子將在新加坡讀書!



霆鋒昨日為新片連走兩場谷戲,心情大好。

謝霆鋒、余文樂、安志杰、任達華、陳偉霆、胡軍及導演郭子健等昨晚為英皇電影《救火英雄》連走兩場谷戲,眾人先在銅鑼灣大搞慈善場,之後再到灣仔舉行首映,老闆楊受成伉儷率旗下藝人專程現身支持,女星衛詩雅、洛詩、冼色麗等則均以性感low-cut為現場升溫,賭王三太陳婉珍亦有畀面出席。

霆鋒和樂仔受訪時表示相隔數年再合作,有感雙方均成熟不少。談到最近霆鋒和模Art文詠珊(JM)秘撻傳聞,又有指他與前妻張栢芝復合,被問有電影上便有緋聞,霆鋒坦言介意有關報道:「唔好咁講,要公平啲!我哋咁辛苦拍嘢,我拍戲跳咁多層樓,咁講會抹殺咗工作!(不開心?)我都唔睇,有唔開心,因為個動機唔正確!」霆鋒不願多提「新歡」,JM的新鋒嫂地位似危危乎!


《救》片主角在現場有講有笑,成功炒熱氣氛。

冼色麗

霆鋒與樂仔同為JM緋聞男友,當霆鋒被追問,樂仔出口解圍。

吳浩康與女友鍾舒漫親密現身,為公司的新片撐場。
樂仔幫口打圓場

不過,講到與栢芝和兩子同遊新加坡,霆鋒就一口氣說:「我係佢哋爹哋,點都會見面,點會唔見?同佢哋媽咪點會冇關係!」之後霆鋒就點頭承認兩子將在新加坡讀書,問到是誰的決定時,霆鋒就欲言又止避談,樂仔就即為霆鋒打圓場:「問番部戲啦!」在戲中有不少入火場的危險場面,但樂仔笑言:「唔驚,反而驚啲特技做唔切!」華哥就指老婆琦琦有到場支持,陳偉霆女友蔡卓妍因工作未能到場,但稍後必定入戲院捧場!

文:影視組

Ads by Google

    全站熱搜

    tvb4life 發表在 痞客邦 留言(0) 人氣()