很多攤檔提供試食,唔買都哄吓啦。 

大拼盤

入工展會必掃即食海味

每逢年尾,「工展會」均吸引「太太兵團」入場掃平靚年貨,例必推出「$1產品」,成為頭號搶手大熱。

 

不過,今年認真掃興!開鑼第二日(剛過去周日),整天下雨有點趕客,南北行業務經理崔家權稱,相比每年同期下跌兩成生意。現場所見,許多參展商未有因此割價促銷,期望聖誕假期生意會回升。雖場內一度冷清,令參展商着急,但對於市民來說,拖車仔都唔使逼,行得舒服啲。
今年,逾 400家參展商設置 880個攤位,貨品以糧油、湯包、參茸海味為主,亦是搶手項目。記者冒雨走勻全場,貨品款式種類未見驚喜,只有部分參展商推出新貨,以東方紅的即食佛跳牆、安記的即食花膠、鴻星的黑松露及黑蒜鮮肉臘腸等略為矚目。不過,全場貨品的確比市面便宜兩成至五成不等,攤檔更以抽獎、多買多送等攻勢,吸引顧客。雖然天氣影響,但客人平均消費都有$700至$800,甚少空手而回,相信下星期雨過天青仲好生意。


兩位阿姐無懼下雨,仍堅持掃貨,係得嘅! 

新登場!經香濃鮑魚汁炆煮的花膠,入味不太鹹,口感軟度適中,仍有咬口,翻叮或煮熱就食得,啱晒做冬、團年飯,亦夠體面。即食鮑汁花膠$198(安記 2C28-31) 

採用意大利黑松露加入臘腸中,未煮經已聞到淡淡菌香,混入豬肉中,減低肥膩感。黑蒜味道偏淡,辣度也比白蒜低,不嗜辣者可一試。黑松露鮮肉臘腸,黑蒜鮮肉臘腸$60/4條裝(鴻星 6C43-44,57-58)



將矜貴的佛跳牆變成街頭小吃,夠創新。杯裝有齊花菇、螺片、鮑魚,以金華火腿炆煮,口感豐富,味道偏濃,夠睇頭,可一試。碗仔佛跳牆$99/杯,花膠海參碗仔翅$32/杯(東方紅 3B44-51)

至抵價!福袋有齊臘腸、湯包、脆魚仔及醬料,認真筍!(原價$208)場內價$100(鴻星 6C43-44, 57-58) 

雲南野生牛肝菌,色白芳香,能養血生津,抗流感病毒,炒煮食用佳。(原價$832/4包 x200g)場內價$740/4包 x200g(聯記號 2A16-18, 39-41) 

100%日本有機牛蒡根,含多種人體必需營養素,高纖低脂, 8-10片沖泡,以茶代水亦可。牛蒡茶(原價$78)場內價$65(香港新豐天然 1A01-03)


馮生,馮太「我們每年都來掃貨,專攻糧油雜貨,最實用。今年花費千多元,比以往少了幾百元。購買多支醬油送購物車、零食,還買了蒸氣熨衫機,三百餘元,超抵!」 

彭生,曾小姐「第二年入場,購買零食為主。據上年經驗,今年黃昏兼下雨入場,貪少人易行啲。第一時間逛熟食檔先醫肚,有日、韓、西班牙美食,種類多,預計花二、三百元。」

 

第 48屆工展會
日期:即日至 2014年 1月 6日
開放時間: 11am-10pm, 1月 6日開放至 8pm
地點:銅鑼灣維多利亞公園
門票:成人$10,長者及小童免費


撰文:石美寶
攝影:周芝瑩
部分圖片:《蘋果日報》

Ads by Google

    全站熱搜

    tvb4life 發表在 痞客邦 留言(0) 人氣()