天雨路滑關係,華仔擔遮為太太遮風擋雨,細心周到。 

媽咪姐

感激教生仔 劉華拖朱麗倩悼女姐

粵劇藝術大師紅線女上周日( 8號)晚,於廣州病逝,享年 89歲。女姐生前同香港演藝界關係頗為密切,唔少後輩都對女姐尊敬有加。喺告別儀式當天,劉德華更罕有地同妻子朱麗倩到場弔唁。

 

周二( 17日)上午 9點幾,一身素黑嘅華仔,同身穿黑色絨褸、戴口罩、腳踏平底鞋嘅妻子朱麗倩現身廣州銀河園白雲廳,而朱麗倩入到大廳後,亦自覺地除下口罩,睇得出佢哋對女姐非常尊重。出名愛妻號嘅華仔全程緊拖住朱麗倩,愛護有加。
唔講唔知,原來劉華跟女姐相識近 30年,兩人雖不常見面,但華仔係女姐最為痛錫之後輩。今年 10月,華仔喺廣州嘅演唱會,仲特登預留包廂招呼女姐。早前華仔接受央視《開講啦》訪問時,又透露女姐知道佢鍾意細路,曾向佢傳授「生仔秘笈」,可見女姐真係當佢仔一樣。


華仔甚少跟朱麗倩公開亮相,對上一次是 11年返大馬拜祭外父外母。 

09年,女姐配音嘅粵劇動畫《刁蠻公主戇駙馬》喺新光戲院首映,華仔同學友特登到場支持兼送花。 

儀式期間,朱麗倩一臉憂戚,華仔則神情肅穆。

瞻仰女姐遺容時,華仔跟朱麗倩十指緊扣,兩人均表現哀傷。跟隨其後嘅係姨仔朱麗華同妹夫。 

汪明荃亦上到廣州親送女姐最後一程,羅家英則未有同行。 

華仔從廣州回來,即忙於為其擔任出品人兼監製嘅電影《風暴》宣傳,一向鍾意細路嘅華仔喺記招上見到童星陳沛妍,開懷大笑,哀傷一掃而空。

Ads by Google

    全站熱搜

    tvb4life 發表在 痞客邦 留言(0) 人氣()