阿珊說基本上任何膚質都適宜線面,「試過有個客滿面生晒暗瘡含晒膿都嚟線面,線完皮膚真係改善咗。」採訪當日,阿珊為 model阿 Yan線面,事後 Yan說:「之前未試過,所以感覺微痛,但覺得脫走晒啲死皮,皮膚真係光滑咗。」現時阿珊為客人線面收費$130,需時 30分鐘。 

Jobs Live

線面唔老土

隨着城市急速發展,不少古老行業都因後繼無人而漸漸式微。
27歲的阿珊,小學開始在母親的線面鋪幫手,至今已擁有 15年線面經驗,是店中的師傅,她認為線面一點也不老土,還可以幫人改善皮膚,揚言要把這門手藝傳承下去。

 

阿珊的店位於上環的舊式唐樓,訪問當日她開鋪短短半小時,門口就已經有客人大排長龍等線面,「線面就等於幫皮膚做運動,令皮膚回復彈性,兼可以幫助清理毛囊同脫毛,功效同做激光一樣,持續做嘅話對皮膚好有益。」記者看到阿珊跟她母親的皮膚均非常光滑,證明她並非吹牛,「我哋一家人閒時會互相線面㗎。」
阿珊早於 15年前已落線面鋪幫手,每天觀察母親工作,因而學懂線面技巧,「細個落鋪幫媽咪手執頭執尾,日日睇住佢幫客線面,唔多唔少都偷到師,閒時我會拎鋪頭啲麻線幫自己大髀線面,點知效果又幾好喎。直到有一日,鋪頭好多客,媽咪做唔到咁多,我就主動提出幫手,媽咪都係嗰刻先知我識線面,佢當然又驚又喜啦!」

發揮專長

中學畢業後,阿珊分別在髮型屋和美甲店打過工,但始終覺得不適合自己,「出面工作時間冇咁穩定,又發揮唔到專長,所以兩份工都係做咗幾個月就冇做,最後返咗鋪頭幫手。其實𠵱家都幾好,我唔覺得呢份工作老土,反而幫到人好有滿足感,有唔少客原本皮膚好差,面部好多暗瘡,喺度做咗 5個月後,皮膚真係改善咗好多,啲粒粒冇晒,我諗呢一個都係我堅持做線面嘅原動力。」阿珊現時每日平均約有 10個客,線面約 30分鐘,收費$130,月入約$13,000。
說到將來發展,原來阿珊一早有計劃,只是未落實,她笑說:「呢行請人好難,就算請我哋都係請番自己人,怕外人嚟學完就走,出去開鋪打自己,𠵱家兩個細佬就快喺外國讀完書返嚟,到時多啲人幫手。我希望可以將家族生意配合埋美容,提供線面以外嘅服務,不過𠵱家十劃都未有一撇,等佢哋返到嚟再算。」

線面孖寶

 


線面用海棠粉,用途是令毛孔更顯眼及避免客人面油黏住毛髮。 

線面時,阿珊需咬住麻線的另一端,她指線手和腳對牙力需求較大,所以通常由她來負責。 

線面 2部曲

 


首先在線面位置拍上海棠粉。 

然後用麻線線面,完成後用濕紙巾抹乾淨。 

線手腳


除了線面部之外,阿珊指不少客人會選擇線手,收費$100,需時約 30分鐘起。 

 

線頸背


阿珊指線背也受不少 OL歡迎,收費約$100,需時約 30分鐘起。 

 

 

美の選
地址:上環文咸東街 3樓
電話: 2546 1158


撰文:何倬然
攝影:葉偉豪
model: Yan@ zmodel

Ads by Google

tvb4life 發表在 痞客邦 留言(0) 人氣()