床照曝光
Jeremy除咗打波外,仲好鍾意拍短片,經常親身上陣。喺YouTube有官方頻道。其中「A Day in the Life」仲可以見到Jeremy唔着衫嘅瞓醒look。

兩星期前NBA仲係講大帝占士、高比拜仁,不過家陣個個轉捧美籍華人林書豪,自從2月4日做出25分7助攻幫球隊紐約人擊敗新澤西網隊,再帶領球隊做下8連勝奇蹟後,令着17號球衣嘅哈佛小子林書豪(Jeremy Lin)迅速爆紅,更令美國出現Linsanity、Linpossible等「林瘋」現象。
最緊要係呢個林瘋揀女獨愛亞洲妹,23歲仔大學期間只係同一位台妹Jess和另一韓妹Eunice拍拖咁大把,雖然J.Lin鍾情亞洲人,但鬼妹仍然當純情男係絕種筍盤,虔誠基督徒J.Lin破硬色戒啦!


23歲林書豪Jeremy Lin喺NBA 坐足兩年冷板,如果唔係所屬紐約人隊主將相繼受傷,Jeremy基本上喺NBA永遠被人歧視嘅黃皮膚臭四,不過喺2月4日Jeremy憑住一次後備上陣着晒火,之後擊敗包括有高比拜仁壓陣的湖人隊做出8連勝。週一(20日)更喺主場以全隊得分最高姿態,擊敗上年總冠軍達拉斯小馬,家陣冇人敢睇小J.Lin!

專嗒球星

韓妹埋身
Jeremy紅咗,好多人關心佢嘅女友係邊個,包括呢位喺上年2月訪問過Jeremy嘅26歲韓國女模Arden Cho。

疑似女友
係人都想知邊個係J 女郎,除咗之前傳嘅國內名人呂麗萍女兒外,亦有傳佢同過一個台灣女仔拍拖,個名叫Jess,唔知係咪就係相中人呢?

專吼亞洲妹
Jeremy好波唔使講,本身係哈佛畢業生,主修經濟學,副修社會學、亦係虔誠基督徒,呢啲條件世間罕有,亦令唔少粉絲嗒糖,不過要做J女郎一啲都唔易。據知Jeremy曾經拍過兩次拖,一個係台灣妹叫Jess,喺美國名校UCLA讀書,之後喺教堂識咗個韓國妹叫Eunice。教徒易埋Jeremy身,但據知每個同Jeremy約會嘅女仔,先要經過Jeremy父母呢關,如果兩老唔like,你都冇機會同男神約會。球場一眼關七,原來J.Lin喺情場係大頭蝦,其哈佛籃球隊隊友Alek Balankenau向傳媒爆料,話Jeremy試過情人節忘記預約餐廳,最後要親手焗雞肉補數。 Jeremy唐僧肉係人都想嗒,就連出名專溝球星嘅31歲美國老模Kim Kardashian都話想約Jeremy出街,仲話搵Jeremy隊友Carmelo Anthony老婆 La La 幫手,擺明想搵林書豪做新聞。雖然Kim姐身材惹火,不過Jeremy接受訪問時就話唔會去,仲話:「I'm not that type of guy!」今時今日,J.Lin飛檸檬都飛得特別有霸氣!

球星是這樣長大的


2月10日主場對洛杉磯湖人,J.Lin對住天王球星高比拜仁完全冇怯場,仲做出38分個人最高得分,助球隊以92:85勝出,令賽前話「不知林書豪是誰」的高比拜仁,賽後都要激讚J.Lin表現超卓。

從瞓梳化到豪宅
林書豪未上位前,喺NBA生涯絕對坎坷,先後被金州勇士和休斯頓火箭炒魷,最後跟紐約簽咗份年薪得76萬美金的短期合約,如果唔係有多位主將受傷,喺紐約力搏隊幾乎等炒。不過J.Lin家陣唔同晒,據知身價已升到500萬美元一年。而林書豪當日要喺隊友Landry Fields張梳化瞓,今日已可以住喺紐約州威徹斯特縣嘅Trump Towers豪宅暫住,華人球員終於出頭。

即搬豪宅
林書豪現暫住嘅Trump Towers(小圖),月租3,800美元(約3萬港幣),樓底9呎,可以睇到紐約夜景,亦有高級音響,不過林書豪應該最緊張近唔近教會。

梳化照炒
林書豪成名戰前一晚(2月4日),就喺隊友Landry Fields(小圖)屋企呢張梳化度瞓,之後Fields仲喺twitter話家陣張梳化已經升格10倍,歡迎大家出價喎!

揸Benz代步
話就話林書豪喺NBA坐過兩年冷板凳,不過林書豪家底唔錯,未成名前都係揸Benz出入,家境差極有個譜啦!

吸金王
林書豪今時唔同往日,好波、乖仔、叻仔,咁嘅條件好過唔少天王、天后,自然成為廣告商蜜糖,身價亦水漲船高。佢嘅球衫已經全球渴市,就算喺紐約力搏隊官方訂購,價錢大約40蚊美金(約309蚊),未連運費,亦要月底先有貨,而據聞其贊助商Nike亦諗住為佢出專用鞋。 ####


週一(20日)林書豪帶領球隊以104:97擊敗達拉斯小牛。個人更做出28分,及職業生涯最高14個助攻。咁多場好表現,絕對唔係撞彩㗎。


J.Lin一向對自己拍拖情史好保密,兩位女友個樣未被人起過。


31歲荷里活名人Kim Kardashian,近日被美國傳媒狂煲話佢中J.Lin,雖然佢得5呎3吋,不過就有34D惹火身材,前夫係NBA奀星Kris Humphries,結婚前仲同C朗有過一手,又同過英格蘭前國腳布歷治拍拖,溝球星相當有計。


10年Kim姐被狗仔隊偷拍到喺西班牙,去咗C朗屋企過夜。隔成個太平洋都溝到,仲要被影到,香港啲模真係要學吓嘢!


韓模Arden Cho


林書豪雖然係虔誠基督徒,不過唔代表佢唔玩得,除咗成日拍片,仲好鍾意扮鬼扮馬,絕對唔係書蟲。網上圖片


阿嫲最親 林書豪雖然係台灣人,但喺三藩市出世。一有假期就會成家回台灣探親,同嫲嫲朱阿麵感情要好,不過自從J.Lin爆紅後,台灣傳媒日夜追訪林書豪於台灣的家人,令他要向傳媒要求說:「求求台灣傳媒給些空間他們。」網上圖片


基督家族林書豪一家都係基督徒,哥哥林書雅現喺紐約大學就讀牙醫,胞弟林書偉現喺紐約漢彌敦學院讀書。父親林繼明係半導體工程師。媽媽係電腦軟件工程師。真係成家叻人。


中學矮仔 14歲嘅林書豪得160cm,都算矮仔一名,憑住日打夜打籃球。最後增高到191cm,原來打籃球真係會高㗎!網上圖片


日練夜練 成功非僥倖,林書豪日日朝早6點就起身訓練,拉過百磅鐵餅操體能等閒事,下午仲要練波。真係幾辛苦㗎!網上圖片


佢嘅成功見證努力與堅持嘅重要。路透社圖片


達拉斯小牛後衞 傑特佢嘅打法好似拿殊(NBA殿堂後衞Steve Nash)


邁阿密熱火前鋒 勒邦占士希望佢對我嗰陣咪打得咁出色。路透社圖片


達拉斯小牛前鋒 奴域斯基佢走位好靈活!美聯社圖片


網上圖片


新網上圖片


舊網上圖片


Landry Fields


網上圖片


香港要等到5月先買到林書豪波衫,而T恤最快下月出售,粉絲記住儲錢。


難得NBA有個 形象超健康嘅球星,所以Jeremy深得其贊助商Nike器重,仲好快同佢出專用籃球鞋。而Jeremy亦好有善心,仲成立咗Jeremy Lin Foundation 幫助有需要嘅人。

stacylife 發表在 痞客邦 留言(0) 人氣()