台上表演時,2PM班壯男又chok又cool,其實真人超玩得。

韓國舞男天團2PM將於下月10日,大軍進攻香港亞洲國際博覽館開騷,6千張飛一早賣清,不過買唔到飛嘅fans一樣有機會見偶像。最新消息,原來now收費電視的tvN頻道,將於3月中播放由2PM一班壯男主持的綜藝節目《Wild Bunny》,平時大家見佢哋喺台上跳勁舞cool到爆,原來做主持可以玩到咁癲。有靚仔睇又保證笑餐飽,本地電視節目真係唔知幾時先追得上。

 
《2PM Wild Bunny》3月13日起逢星期二晚11時,於nowTV 526號頻道tvN台播出

濕身透點
《Wild Bunny》好似《獎門人》咁,有時會喺水池玩遊戲,而最靚仔的Nichkhun亦益fans着住背心落水,搞到透晒點,真係引死女。

學跳艷舞
其中一集講一班壯男要扮索女組合Brown Eyed Girls(B.E.G.)唱其代表作〈Abracadabra〉,練舞時大隻仔澤演就學足佢哋剝衫跳辣身舞,剝唔夠一半澤演已經話好尷尬。

扮埋女人
為咗扮B.E.G.,成班麻甩仔仲走去內衣店揀戰衣,點知撞到樂壇一姐蔡妍(小圖),蔡妍見佢哋着女人衫即忍唔住大笑。

《2PM Show》都玩得

 
08年先埋班的2PM,一出道已經走舞男路線,經常喺台上扯爆衫跳勁舞兼大晒朱古力腹肌。去到09年,2PM更踩過界,幫韓國收費電視Mnet拍攝綜藝節目《Wild Bunny》,連電視都撈埋。

真人騷夠爆
《Wild Bunny》其實係將2PM成員平時工作及生活片段輯錄成一個真人騷節目,節目中一班壯男有時會玩吓戲遊,甚至扮鬼扮馬。該節目最大賣點係大家喺台上見慣嘅2PM型爆又夠cool,原來台下嘅2PM鬼咁平易近人,仲可愛到暈。因該節目於Mnet收費電視播放,故無法統計收視率,但據稱《Wild Bunny》於09年開播後,幫Mnet吸引超過20萬新客,2PM絕對係招財兔。

隊長累腰斬
原本節目打算推出9集,可惜於09年9月,韓國傳媒卻於當時的隊長宰範的My Space個人網頁中,發現他曾留言透露自己討厭韓國,事件爆出後,激起大批韓國網民狂插宰範侮辱韓國,最後宰範公開道歉後,仲自動退隊,而當時《Wild Bunny》拍到第8集中途亦要被迫腰斬。好彩2PM冇咗隊長依然撐得住,上年再播多個綜藝節目《2PM Show》一樣咁受歡迎。

退隊成員 宰範翻生
美國出世、成口流利英文嘅宰範,原本係2PM隊長,但09年因在個人網頁留言話討厭韓國,繼而遭網民狂插最後被迫退隊。但上年開始再以單飛姿態回歸樂壇仲拍埋戲,終於翻生。

《FACE》送2PM門票
2PM將於3月10日來港開騷。今期《FACE》將送出2PM香港演唱會門票,現只需填妥《FACE》書內參加表格並答中以下問題,寄回將軍澳郵政信箱65207號《FACE》編輯部,將有機會得到演唱會門票2張,名額共3個,送完即止!問題:現時2PM有多少個成員? A:5個  B:6個  C:7個姓名:電話: ####


2PM形象一向標榜粗獷同狂野,原來平時就好似兔仔一樣咁純真同可愛,所以《Wild Bunny》個節目名襯晒佢哋。


上年開播嘅《2PM Show》每集都以唔同主題玩遊戲,選過家務王,又搞過最佳爸爸選拔等。睇班細路咁黐Nichkhun,就知佢最受歡迎。


《2PM Show》除2PM隊員出場外,同屬JYP Entertainment嘅2AM成員趙權都經常亮相,仲好鬼馬,有時搶過2PM鏡。


單眼皮唔算靚仔嘅宰範,勝在跳姿強勁,又有鋼條身形,一樣迷死韓妹。


宰範上年回歸後,首張單飛大碟《New Breed》已於今月7日出籠,一出已打入流行榜no. 4,成績唔錯。



2PM "HANDS UP" from HANDS UP

 

stacylife 發表在 痞客邦 留言(0) 人氣()