由張家輝、任達華同Janice Man(文詠珊)主演嘅電影《大追捕》下個月15日上畫,講飾演啞巴殺人犯嘅張家輝廿年前因謀殺一名少女入獄,刑期屆滿,假釋出獄,就遇上個樣生得同當年死者極似嘅清純少女JM,張家輝於是日夜跟蹤JM同監視JM同屋企人一舉一動,之後家輝更涉嫌殺害JM老豆王敏德。


呢套戲由《殺人犯》導演周顯揚執導,一向有「face」嘅FBI當然第一時間攞到一輯絕密劇照啦!FBI發現其中一幕最大膽嘅場面就係JM着住吊帶睡袍瞓覺中途,俾潛入佢睡房嘅張家輝玩腳趾。JM同FBI講,呢幕佢要做到明知張家輝潛入,個心好驚,但就要扮瞓扮震定唔出聲,的確有啲難度,不過佢話好彩導演有耐性,「每拍一場戲前,導演都會用15分鐘時間brief我一次,講解畀我聽嗰場戲講乜,對我好有幫助,學到好多嘢。」好彩張家輝唔係要侵犯JM,否則JM應該仲難演。

勁多幻想
張家輝戀JM成狂,除咗成日偷影對方(右圖),仲有一幕JM挨住佢搞到佢勁開心嘅畫面,不過呢幕其實只係家輝幻想,根本冇發生過。之後家輝因為涉嫌殺死JM老豆而被警方通緝。

打到爆缸
張家輝拍《大追捕》第二日,就要同飾演囚犯嘅盧惠光打餐死,佢大叫導演收買人命。

警花Kay
任達華飾演警探追捕張家輝,其間飾演佢下屬嘅謝安琪就發現所有線索係家輝刻意用來誤導警方。

引鬼錫
上星期二情人節嗰日,Janice Man同熊黛林繼續開工,當晚佢哋出席一個手袋騷,品牌嘅外籍高層似乎對JM特別欣賞,仲捉住JM隻玉手猛錫,城嫂就只係企埋一邊傻笑似搭枱。

為部戲啫
張家輝嘅角色除咗係殺人犯,導演仲要求家輝要似足韓國型男身形,6嚿腹肌走唔甩。張家輝於是自己揞荷包,閉關請教練健身,由完全冇睇頭嘅肚腩變成六嚿腹肌嘅鋼條身形,仲足足操咗5個月先有咁嘅成果。
至於JM就為演好彈得一手好琴嘅純情少女角色,自閉咗3個月每日狂練琴同睇書,結果JM對鋼琴由零認識到彈起嚟似模似樣,連導演都大讚佢叻女。
####


死人似樣


家輝涉嫌殺害JM老豆後,JM發現自己同20年前被張家輝殺死嘅少女幾乎一樣樣,嚇到呆咗。


激罕睡袍 FBI見到呢張JM着住吊帶睡裙嘅相就好開心。不過睇真,JM係打咗底,冇乜嘢睇㗎。


操肌
囚犯由於冇乜娛樂,唔少都會喺獄中狂操fit,張家輝演得入型入格。


練琴
JM不惜閉關3個月學琴,唔好話佢得個樣喇!


    stacylife 發表在 痞客邦 留言(0) 人氣()