與阿感5年半感情被迫玩完,輸家阿旦怨氣沖天,如果咁快有新戀情補上,就證明32E胸唔係浪得虛名,前度唔識貨啫。

E奶胸模兼now觀星台主持阿旦(鄧伊玲),月前被TVB節目主持阿感(黎國輝)於微博宣布棄愛;有指男方背住正印,越級力溝阿嬌(鍾欣桐)1年,導致5年半感情決裂。被拖落水嘅阿嬌即暗寸有人博宣傳,更戥阿感「遇人不淑」,句句有骨。
由冷戰到獨居再被飛,癡女阿旦一直等男友浪子回頭,原來亦不愁寂寞。有目擊者向本刊報料,去年12月中阿旦搬入油麻地私竇獨居時,目睹有多位觀音兵到場幫手;至2月初單位內更有瘋狂叫床聲傳出。分手大報復,32E阿旦死口唔認:「我家仲係single,邊有咁快呀?」分手要狠,唔通換畫都要鬥快?


27歲阿旦與31歲阿感,由拍拖到同居一直大方承認,可惜至今年1月中,阿感於微博公告要「尋找你的沈佳宜」,單方面宣布分手,令等阿感回頭而搬竇嘅阿旦受情傷。雖然阿旦被阿嬌指造新聞,但仍處處維護前度:「最唔開心係佢嘅處理手法,仲未傾好,我又未接受,佢就宣布分手,不過我冇怪佢。」贏盡癡女受害形象。

觀音兵補上
不過,日前本刊收到消息,指情傷阿旦原來秘密有新仔。早於去年12月初,阿旦因見二人感情轉淡而搬離九龍塘愛巢,博男友翻兜,後更高調搬入油麻地300多呎私樓獨居,更被拍到獲三位壯丁幫手搬雙人床褥,事後阿旦向記者強調「分居」唔分手。據與阿旦同大廈的鄰居透露,阿旦雖被住客認出,卻未有避忌,連日繼續由其他男士出手搬運執拾。其中一位約5呎7吋高、年約27、8歲嘅男士表現最為殷勤,上月起被目睹經常陪伴阿旦出入,及於單位留宿過夜,據知當時阿旦與阿感之關係進入冷戰期。而至2月初某日,該單位更因多次傳出女性瘋狂叫床聲而造成滋擾,成為該大廈街坊討論話題,直至今月11日(前週六)阿旦搬離上址。

仍未心死
被指私竇瘟新仔,阿旦解釋:「我一個女仔有好多嘢要整,都會叫附近啲朋友上嚟幫手。我家仲係single,邊有咁快呀?……住油麻地嗰頭係雜啲,但一定唔係我囉(叫床)!……雖然新年時我搬走咗,但我都想同阿感嘅關係好轉,個心仍然仲喺度,我真係需要一啲時間先可以投入另一段感情。」農曆新年?但住客話你本月11日先搬走喎!俾人誤會思覺失調就唔好啦!

阿感:我會原諒對方!
「我會向阿旦了解,成件事係咪真,我同佢之間大家有共識,會互相尊重。(當初佢搬走時會否擔心第三者會介入?)呢啲冇得呃,我亦control唔到,亦冇得唔信任對方,我唔會刻意去諗,如果有任何第三者,我相信佢會坦白對我講。(會否原諒對方?)我會原諒對方,唔鍾意冇得勉強。」

邊個先真?
'11 12月初阿旦搬離愛巢  12月中阿旦搬入油麻地,被目擊多位男士協助搬屋。 '12 1月阿旦身邊出現新男伴  14/1阿旦要求阿感陪北上登台,但阿感隱瞞出席阿嬌生日會,導致二人分手。  15/1阿感於微博寫要「找你的沈佳宜」。  2月初阿旦住所傳出叫床聲  10/2二人於活動碰面,阿旦鬧「一路冇正式講分手」。

情敵駁火
有指阿嬌成為阿旦和阿感分手嘅導火線,正印與「情敵」連日隔空對罵,熱鬧過燒炮仗。 ####


壯丁陪搬
去年12月1日,阿旦被拍到與三男合力搬雙人床褥到油麻地新居,佢解釋話:「我係有搵過now嘅男仔同事幫手,報道話有幾個男仔幫我,但嗰啲真係我啲friend。」《蘋果日報》圖片


DaDa照應
阿旦經歷情變,一直由好姊妹DaDa陪伴,日前二人相約睇家電散心,而阿旦話佢𠵱家已搬往西貢與DaDa同住。《蘋果日報》圖片


嚇親街坊據知情人士報料,今月初某早上十一點幾,由阿旦所住單位清楚傳出叫床聲。由於該棟大廈牆身單薄,聲音傳至樓上樓下,嚇親唔少街坊。


瘟仔竇阿旦搬入油麻地旭威閣單位一個多月已遷走,佢解釋話:「個單位係一對couple朋友租畀我住住先,其實新年時我已經搬咗去西貢,家逐啲逐啲執嘢走。」


週日(19日),阿旦在電話回應阿感仍聯絡佢:「佢有嘗試打畀我同whatsApp我,但我冇回覆佢。」


15/2 其女方做新聞唔好扯到我。佢(阿感)唔想做衰人,但就被人踩住入……希望佢唔好再遇人不淑。


18/2 兩個人嘅感情事,其他人冇資格評論。……我冇出書又冇出碟,冇咩博宣傳?……如果講遇人不淑……我希望佢(阿感)日後要小心身邊嘅朋友。


18/2 佢(阿旦)諗通咗啦嘛?……如果唔係搞到人點會有呢啲新聞,要回應早就回應啦!

    stacylife 發表在 痞客邦 留言(0) 人氣()