超儀銀座企街


■何超儀喺《3D豪情》裏面演企街嘅妓女。

何超儀、杜汶澤同曾國祥上個月遠赴日本同一班有名嘅AV女優合作拍攝電影《3D豪情》,戲中超儀演一位喺日本嘅過氣妓女,經常要企街拉客,其中一場戲講佢着到花枝招展咁喺銀座街頭等阿澤,點知對方遲到,佢煙癮大發,索性喺街食煙,點知呢條街原來係禁煙,附近小商店有個阿婆見到,即刻走出嚟狂鬧佢冇規矩,搞到導演陳慶嘉要暫停拍攝,等阿婆鬧完先可以繼續拍。


■超儀喺街頭同工作人員研究劇情。

獻出第一次

噚日超儀同馮仁昭講,俾阿婆追住鬧嗰時都唔知發生乜事,因為唔知佢講乜,後來繙譯講番,先知係話佢唔應該喺禁煙街食煙,超儀笑話:「俾阿婆當街鬧都幾面懵,但為咗拍戲冇計。其實拍呢部戲,試咗好多個第一次,第一次為拍戲增肥、第一次食咁多煙、第一次化咁濃妝、第一次演咁大癲大肺角色,要演好多內心戲。有場戲俾人當街爆樽,好多途人唔知拍戲,仲以為我真係俾人打。」
撰文:馮仁昭

Ads by Google

    全站熱搜

    tvb4life 發表在 痞客邦 留言(0) 人氣()