上月尾,粗身大細的朱麗倩唔理劉華反對,單拖飛到北京睇騷。 

娛頭

【娛頭】朱麗倩犯禁飛北京 劉華急召姨仔陪養胎

大肚 4個月 朱麗倩犯禁飛北京 劉華急召姨仔陪養胎

已年屆四十七歲的朱麗倩,去年為劉德華誕下寶貝女劉向蕙( Hanna)後,今年再傳喜訊,早前更被發現到中環診所做產檢。雖然佗 B近四個月,但開晒口恨追多個的劉華為免有閃失,始終唔認家有喜事。
上月尾,粗身大細的朱麗倩唔理劉華反對飛往北京,陪老公做巡迴演唱會。為確保大小平安,劉華於是安排朱麗倩入住北京大屋,每日由助手、保鏢及司機一行人護送老婆到場館。工作已排到年底的劉華,無法分身照顧老婆,唯有急召朱麗倩胞妹由吉隆坡來港暫住,由姨仔代勞全天候陪出陪入。

講掂數

上月尾,劉華在北京舉行一連四日的巡迴演唱會,身懷六甲的朱麗倩,堅持親身北上,飛到當地貼身跟場,但卻貫徹秘而不宣的作風,未有跟足全程,刻意提早在尾場當日下午返港。
「本來係 plan好今次會跟住華仔去足咁多個地方,後來知道有咗,華仔已經叫佢(朱麗倩)唔好去怕老婆辛苦,但佢好想去,最後講掂數,應承俾佢去一站。揀北京站係因為華仔有屋,方便避人耳目。」知情者說。
十一月二日,北京站演唱會尾場,上午十一點半,劉華已人在場館彩排,唯有派出助手及保鏢,傍實朱麗倩去機場,到達北京機場後,助手先行到櫃枱辦登機,身穿黑色鬆身衫,披住披肩的朱麗倩施施然落車行去禁區,更罕有地展露四萬笑容,在閘口跟助手道別。


坐咗四粒鐘機,朱麗倩面腫腫步出機艙,不停整理身上披肩。 

出閘時,朱麗倩用披肩包實小腹,再由三名保鑣護駕離開。 

正在巡迴演唱的劉華,仲有大連及台灣站未唱,起碼忙到 12月底,唯有急召姨仔來港,貼身照顧老婆。

遮大肚

北京飛返香港,飛行時間近四粒鐘,朱麗倩步出機艙時疲態盡現,面帶浮腫,只見她不時輕撥秀髮,又刻意用身上披肩遮住四個月肚。同一時間,入境大堂外早已布下天羅地網。朱麗倩落機半小時前,保鏢已不斷在接機大堂巡邏,臨近出閘時間,三名來接機的保鏢更提高警覺,各自緊守崗位,視線一直盯着閘口,朱麗倩出閘後向其中一個保鏢打一打眼色,對方即刻醒目埋位,護送「主子」上車離開。


朱麗倩由劉華的得力助手護送到北京機場。 

入閘時,朱麗倩回頭跟助手道別,展現四萬笑容。 

5月今年 5月,仍未有身孕的朱麗倩到佛堂禮佛,行動敏捷,肚皮未見脹起。 

10月上月,朱麗倩到中環做產檢,著住鬆身衫的她腹部微隆。 

停個唱

一一年,朱麗倩佗住 Hanna,劉華除了擴大保鏢陣容跟出跟入,自己亦半停工全天候陪實老婆,每次做產檢,他例必現身。如今朱麗倩四十七歲高齡成功標尾會,為免有閃失,正忙住做巡迴演唱會的劉華,唯有急召身在吉隆坡的姨仔(朱麗華)來港暫住,貼身幫手照顧老婆。
「上次老婆有咗,次次做產檢華仔都跟到足,頭三個月仲連街都唔俾佢出,之後佗穩咗先可以去吓街市咋!今次無預到咁好彩咁快又搞掂,所以一早排晒呢半年做巡迴演唱會,點知老婆又得咗,演唱會又唔推得,劉華成日唔喺香港,唯有叫姨仔(朱麗倩胞妹)嚟香港暫住幾個月,幫佢照顧住老婆先。明年啲 job佢都嗌停晒,本來預咗出年年尾喺紅館開騷,而家都話等老婆生完先算。」


上週五(八日),朱麗倩由胞妹朱麗華傍實到銅鑼灣 shopping。 

在等候司機期間,朱麗倩不自覺用手袋遮肚。 

大肚婆特別容易攰,掃完一輪貨,朱麗倩要用手托住腰行。 

朱麗倩不時四圍望,時刻保持最高警覺。 

做步兵

上週五(八日)下午五點半,個肚愈來愈覺眼的朱麗倩再度出動,與胞妹朱麗華現身銅鑼灣希慎道的 I.T旗艦店,保鏢則一直在遠處

Ads by Google

    全站熱搜

    tvb4life 發表在 痞客邦 留言(0) 人氣()