鄧麗欣做串星 陪楊愛瑾餵蚊

藝人鄧麗欣(Stephy)近年銳意發展內地事業,已鮮有在港露面,不過早前應邀為獎門人曾志偉、黃百鳴合作拍攝的賀歲片《六福喜事》客串演出,跟楊愛瑾(Miki)在戲內、戲外都扮演好姐妹,面對舊拍檔當然是很有默契,演來駕輕就熟很快完成任務。



楊愛瑾(左)與好姊妹鄧麗欣在公園拍外景,志偉推住BB車行過。

Miki彎腰冇蝕底

Stephy今次趁拍劇又可跟Miki聚舊,兩人寓工作於娛樂,雖然要一早在九龍塘一個公園取景,而劇情講兩人邊食零食邊行公園,遇上曾志偉推着巨型BB車經過,兩人即逗玩BB,穿短裙的Miki一時忘形彎腰,差點走光。幸好時間尚早,公園裏的晨運客都未出現,她才不至蝕底。

完成幾個鏡頭拍攝後,谷德昭就跟劇組商討事宜,此時見到Miki、Stephy兩人單腳跳跳紮,原來她們齊齊餵蚊,慘變了蚊的「早餐」,認真是有難同當,幸好兩人十分有默契,可以快快完成拍攝迅速離開現場。


志偉

着短裙的楊愛瑾彎身時,幾乎走光。
兩女母愛大發

事後致電Stephy,她透露僅客串一個場口,戲份講她和Miki放午飯時遇見推着BB車的曾志偉,她和Miki即母性大發。Stephy又說:「我同Miki都好耐冇合作過,今次好開心可以順便聚吓舊,其實我哋一直都有聯絡o架。」此外,Stephy昨於微博上載她早前跟方力申到外地探訪照片。

文:影視組

吳雨霏突破恨剷青

吳雨霏(Kary)前日出席nowTV節目錄影,以一頭短髮示人,她表示上次剪頭髮已是Cookies年代,今次是為了影唱片封套而剪,問到是否長髮為君剪,她坦言:「唔係,依家嘅我真係好開心,唔想大家咁敏感,乜嘢都關佢(余文樂)事。」她又謂若有電影拍,都想嘗試剷青。此外,各頒獎禮將至,問現時出碟是否遲了一點,Kary說:「因大部分時間投放喺呢隻碟度,好多嘢冇理,對攞獎冇乜期望。(明年TVB四大歌手可亮相?)咁咪好囉,皆大歡喜。」



吳雨霏(Kary)

 

全站熱搜

tvb4life 發表在 痞客邦 留言(0) 人氣()