周柏豪怒火街頭

周柏豪和陳嘉桓早前為微電影《販賣愛》開工,呢排免費電視發牌一事搞到官場「立立亂」,日前咁啱佢哋拍攝一場街頭反地產霸權和維護核心價值嘅戲,同樣跟政治拉上關係。

當日下午佢哋响中環一條天橋開工,未埋位前坐街邊化妝,完全無遮無掩,由化妝整頭都全程畀人睇晒。

東姑見唔少宅男圍觀身穿性感小背心嘅陳嘉桓,佢裏面嘅粉紅色喱士bra帶凸晒出嚟,睇到班宅男心跳加速。不過對於被大批男士眼望望,佢一於好少理,唔反感之餘,仲任影唔嬲。至於周柏豪拍攝途中遇有真警察查牌,連星都要拎身份證查核,公事公辦。

周柏豪在中環鬧市拍戲,現場演唱。

拍攝期間有警察查牌,平日好有型嘅周柏豪立即閃埋一邊。

雖然已身穿小背心,但陳嘉桓亦要撥扇涼快一下。

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()