當客人找不到櫃位 check-in時, Kate會主動出擊,帶客人到該位置。 

Jobs Live

排解疑難 機場 顧客服務營運主任

顧客服務一向都屬難做的職業,無論面對任何客人,都要以笑容面對。
Kate在機場從事顧客服務工作 4年,見盡人和事,為來自世界各地的旅客排解疑難,她指只要以誠待客,所有難題都會迎刃而解。

 


Kate每天工作約 9小時,大部分時間她都會留守顧客服務中心,為旅客服務。 

「這層是離境大堂,如果先生你要接待來訪旅客,請到後面的升降機,然後按下一層,到接機大堂等待你的朋友,依照先生所提供的航班編號,你的朋友會在接機大堂的 A區出現。」 Kate在機場任職顧客服務營運主任,主要為機場內的旅客提供機場內的所有資訊,為他們排解疑難,採訪當日,她正在解答國內旅客的問題。
受電視劇《衝上雲霄》影響, Kate自小就以在機場工作為夢想,「我家姐係一名空中服務員,佢同我講喺機場工作前途好好,加上細個睇《衝上雲霄》覺得戲裏面嘅人好叻好有型,所以中學畢業後我就報讀 IVE旅遊系,計劃將來入機場工作。」
09年 IVE畢業後, Kate獲聘在機場任職機場大使做實習, 2年實習期過後因為工作表現良好,機場管理局將 Kate分配到顧客服務部做營運主任, 2年來她曾經處理過不少個案,高峰期每天要處理約 500個個案。「現時處理最多係嚟自國內及東南亞嘅旅客,出年俄羅斯旅客都增長唔少。」

國內客誤入境


除了在離境大堂外, Kate還會到接機大堂的服務攤位工作,採訪當日,她正在為遊客解答市內交通的問題。 

「兩個月前有一個內地遊客嚟到我哋機場嘅轉接碼頭,打算轉船到澳門,嗰度係唔畀轉船嘅遊客出境,一旦出咗嚟就冇得入番去坐船。點知嗰名遊客因為語言溝通上有誤會,唔小心入咗香港境,最後搵咗我哋幫佢,喺冇辨法之下,我最後建議佢去港澳碼頭坐船過澳門,為咗方便佢我仲幫佢 check晒船表、船價及前往碼頭嘅的士價錢,原本情緒有啲激動嘅旅客見到我哋咁盡力幫佢,最後都冷靜落嚟,聽我哋嘅建議去坐船。」
Kate認為在機場會有發展前景,希望未來留在這裏工作,「嚟緊機場會起第三條跑道,未來呢度會有更多旅客到訪,所以我好有信心呢度可以畀我長線發展!」

上司陳展暉 顧客服務高級營運主任

Kate能夠照旅客需要,試過有客人對鞋甩咗卡死咗喺電梯度, Kate除咗第一時間走去安撫客人,之後仲主動帶個客去鞋鋪買番對新鞋,真係好有心及責任感。

點入行?

想像 Kate般在機場工作?機場管理局現提供顧客服務營運主任的職位空缺,應徵者只要中學畢業、有一年相關工作經驗,以及自認廣東話、普通話及英文流利的話,就可以把個人履歷寄往 RM2@hkairport.com。一般顧客服務員月薪約$9,000至$12,000不等。


撰文:何倬然 
攝影:彭自維

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()