樹仁大學新聞及傳播系 Yr.2 Eiswein為了找寫作靈感, Eiswein閒時最愛到旺角西洋菜街觀看人生百態。 

U撈

自編自導自演

能夠把身邊大小事寫成一部劇本再拍成短片絕非易事,需要有驚人的觀察力才能做到。現就讀樹仁大學
新聞及傳播系 Yr.2的 Eiswein,除了有以上的條件外,為了讓自己的作品更上一層樓,他亦親自落場身兼演員及攝影師,希望將來能夠自編自導自演一些扣人心弦的影片。

 


考試將近, Eiswein在下課後會到圖書館溫書,懂得分配工作和讀書時間。 

旺角西洋菜街出名夠熱鬧,這裏有唱歌賣藝者、街頭攝影師、畫家及海量的街頭售貨員,人生百態盡現眼前, Eiswein說:「作為一名電影編劇,我好鍾意將身邊嘅大小事情記低,然後寫入劇本度,呢度夠晒多人,啱晒我搵題材,我平時好鍾意嚟攞靈感。」現就讀樹仁大學的 Eiswein除了是一名編劇外,還會當攝影師及臨時演員,認真識撈。
受家人影響, Eiswein自小就喜歡看書,因而培養出寫作的習慣,「好多題材嘅書我都鍾意睇,好似《絕代雙驕》及《小團圓》係我嘅最愛。到中六嗰年我仲報名寫學報故事添,反應都算唔錯㗎。」

第一次撻 Q


Eiswein每星期會有 2至 3天到影樓做助手,他希望能學到更多拍攝手法,將來用作拍片之用,圖為他正在裁剪攝影用的布景紙。 

12年 Eiswein受到大學同學邀請一同成立團隊「 Haru」,並參加「 M21華人青年短片大賽」,除了寫劇本外,他更有機會接觸拍攝後期的剪片製作,「當時我為呢套短片寫咗名為《凡人凡事》嘅劇本,一個關於友情嘅故事。我哋總共有 6個人參加比賽,但全部都冇拍攝經驗,好多技巧都係靠睇網上教學片及睇書學番嚟。拍嗰陣我都以為好順利,點知返到去剪片先發現好多個鏡頭都連唔到戲,見死線就到,我哋冇得補鏡,之後全部人惟有通頂剪片兼諗計,勉勉強強將條片連埋一齊先趕到,當然最後效果唔太理想啦。」
Eiswein的第一部作品並沒有得到獎項,但他仍感獲益良多, 13年他與其他隊友決定再次參加「幸福藥業」舉辦的短片比賽,「吸收過上次經驗,我哋發現除咗部戲鏡頭唔連之外,配樂方面都差過其他對手,所以今次我哋專登搵咗個識作曲嘅朋友加入我哋團組,加強音樂部分;題材方面我決定寫番我較擅長嘅愛情故事。最後我哋部《不聚不散》雖然都冇得到獎項,但入到全國 72強,算對自己同隊員有交代。」

贏工作機會


第二套短片作品《不聚不散》,講述時下年青人的愛情故事,令 Eiswein和拍檔得到婚禮攝影及短片的機會,亦成為現時的兼職之一。 

憑着《不聚不散》 Eiswein得到意想不到的工作機會,「今年 7月,突然喺網上收到一個 message,話睇完我哋部參賽短片後,覺得好有浪漫 feel,想搵我哋原班人馬幫佢做婚禮攝影及拍片,嗰刻我真係有啲受寵若驚。拍完第一次後,開始有更多客人搵我哋做婚禮 job,𠵱家我仲會做埋臨時演員及影樓助手,希望可做多啲唔同嘅崗位,感受更多,將來寫到更寫實及動人嘅故事。」
婚禮攝影及拍片每次收費由$2,000起,加上其他兼職, Eiswein每月約有$2,000至$5,000的收入,他會盡量把工作分配到假日,故不影響學業。還有 2年才畢業的 Eiswein,暫時還未決定將來方向,他希望趁年輕時拍更多短片,發展興趣,「𠵱家我有 2個短片團隊,一個係專拍故事性短片嘅 Haru,而另一個就係走輕鬆路線嘅 P90S,希望將來有更多人認識我哋啦。」

參加比賽增人氣

Eiswein指拍攝工作多與否要視乎人氣,參加比賽便是增加人氣的最好方法。香港青年協會經常舉辦不同類型的短片比賽,好像最近舉辦的「好壞。由你選 Tick Your Choice」的健康短片大賽,以鼓勵青少年觀看內容健康的網上短片為主題,拍一段 2至 5分鐘的短片。有興趣參加者可以瀏覽 healthyvideo.m21.hk/2013/intro.php報名參加。


撰文:何倬然 
攝影:謝耀恆
部分圖片由被訪者提供

全站熱搜

tvb4life 發表在 痞客邦 留言(0) 人氣()